Aqsaray kubadiki xitay jasusluq bazisi heqqidiki endishilirini bildürdi

Washin'gtondin muxbirimiz eziz teyyarlidi
2023.06.13

Yéqinda xitay hökümitining kuba bilen bu jayda jasusluq bazisi qurush heqqide kélishim tüzmekchi boluwatqanliqi melum bolghanidi. 12-Iyun küni aqsaray bu heqte muxbirlargha söz qilip, özlirining bu heqtiki endishilirini bildürdi.

Roytérs agéntliqining 12-iyundiki xewiride éytilishiche, aqsarayning bayanatchisi jon kirbiy bu heqte söz qilip, nöwette amérika-xitay munasiwitining jiddiy halda turuwatqanliqini, emma prézidént jow baydénning bu heqtiki söhbet yolini ochuq qoyghanliqini tekitlep: “Tashqi ishlar ministiri antoni bilinkén ependi xitaygha ziyaretke bérish harpisida bundaq bir xewerning otturigha chiqishi bizni rahetsiz qilidu. Emma buningliq bilen bu seperni kéchikidu, dep qarimaymen” dégen.

Xitayning kuba teweside jasusluq bazisi qurushqa urunuwatqanliqi heqqidiki xewer melum bolghandin kéyin kuba tashqi ishlar ministiri bruno rodriguz (Bruno Rodriguez) buni qet'iy inkar qilghan. Amérika tashqi ishlar ministiri antoni bilinkén bolsa bu heqte soralghan so'allargha jawab bérip: “Bu, xitayning dunya miqyasida öz tesirini ashurush urunushlirining ipadisi” dégen. Aqsarayning bu heqtiki xewerlerni inkar qilishi tüpeylidin nöwette bu heqtiki mulahiziler peskoygha chüshüp qéliwatqanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.