Ақсу вилайитидә қишлиқ вә әтиязлиқ қутқузуш пули тарқитилған

Мухбиримиз әзиз
2022.02.02
Share on WhatsApp
Share on WhatsApp

Хитай һөкүмити башқурушидики “ақсу ахбарат тори” ниң йеқинқи хәвиридә ейтилишичә, ақсу вилайәтлик һөкүмәт вилайәт тәвәсидә қишлиқ вә әтиязлиқ апәт мәзгилидә еғир қийинчилиққа дуч кәлгән 200 миң кишигә 36 милйон сом (тәхминән бәш йерим милйон америка доллири) қутқузуш ярдими тарқатқан. Буниң билән адәм бешиға 180 сом (тәхминән 28 америка доллири) ярдәм пули тәгкән.

Хәвәрдә бу қетимлиқ қутқузуш ярдиминиң кимләргә тарқитилғанлиқи ейтилмиған болсиму қаттиқ соғуқ, қелин қар, боран вә мөлдүр қатарлиқ тәбиий апәтләрдә олтурақ өй шараити начар кишиләрниң бәкрәк зиянға учриғанлиқидәк реаллиқ қутқузуш пули берилгәнләрниң йәрлик хәлқ болған ‍уйғурлар ‍икәнликини ишарә қилмақтикән.

Һалбуки уйғур дияридики асаслиқ ашлиқ, пахта вә кан байлиқлири макани болған ақсу вилайити биңтуән системиси әң чоңқур йилтиз тартқан җайларниң бири болуп, техи йеқиндила вилайәт тәвәсидики шаяр наһийәсидин 100 милйон тонна нефит вә тәбиий газ записи байқалғаниди. Уйғур дияридин хитай өлкилиригә һәр күни тошулуватқан түрлүк байлиқларниң ғайәт зор саниға селиштурғанда хитай һөкүмитиниң мушу азғинә ярдәм арқилиқ өзлириниң “ғәмхорлуқ қилғучи” икәнликини тәшвиқ қилишини муһаҗирәттики уйғурлар “қарап туруп башқиларниң көзини бояшқа урунуштин башқа нәрсә әмәс” дейишмәктикән.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.