Aqsu wilayitide qishliq we etiyazliq qutquzush puli tarqitilghan

Muxbirimiz eziz
2022.02.02
Share on WhatsApp
Share on WhatsApp

Xitay hökümiti bashqurushidiki “Aqsu axbarat tori” ning yéqinqi xewiride éytilishiche, aqsu wilayetlik hökümet wilayet teweside qishliq we etiyazliq apet mezgilide éghir qiyinchiliqqa duch kelgen 200 ming kishige 36 milyon som (texminen besh yérim milyon amérika dolliri) qutquzush yardimi tarqatqan. Buning bilen adem béshigha 180 som (texminen 28 amérika dolliri) yardem puli tegken.

Xewerde bu qétimliq qutquzush yardimining kimlerge tarqitilghanliqi éytilmighan bolsimu qattiq soghuq, qélin qar, boran we möldür qatarliq tebi'iy apetlerde olturaq öy shara'iti nachar kishilerning bekrek ziyan'gha uchrighanliqidek ré'alliq qutquzush puli bérilgenlerning yerlik xelq bolghan ‍uyghurlar ‍ikenlikini ishare qilmaqtiken.

Halbuki Uyghur diyaridiki asasliq ashliq, paxta we kan bayliqliri makani bolghan aqsu wilayiti bingtu'en sistémisi eng chongqur yiltiz tartqan jaylarning biri bolup, téxi yéqindila wilayet tewesidiki shayar nahiyesidin 100 milyon tonna néfit we tebi'iy gaz zapisi bayqalghanidi. Uyghur diyaridin xitay ölkilirige her küni toshuluwatqan türlük bayliqlarning ghayet zor sanigha sélishturghanda xitay hökümitining mushu azghine yardem arqiliq özlirining “Ghemxorluq qilghuchi” ikenlikini teshwiq qilishini muhajirettiki Uyghurlar “Qarap turup bashqilarning közini boyashqa urunushtin bashqa nerse emes” déyishmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.