Археологлар гучуңниң дөң шәһәр харабилиқидин идиқут уйғур дөлити дәвригә аит нурғун асәрәтиқиләрни байқиған

Мухбиримиз әркин
2021-10-20
Share

Хитай археологлири уйғур елиниң гучуң наһийәсидики дөң қәдими харабилиқида 4 йилдәк қезиш елип берип, идиқут уйғур дөлити дәвригә аит нурғун асәрәтиқә вә қурулуш ишлирини байқиған. Гучуң наһийәсидики дөң қәдими харабиси уйғурларниң 9-әсирдин 14-әсиргичә давамлашқан идиқут уйғур дөлитиниң асаслиқ шәһәрлиридин болған бәшбалиқ тәвәсигә җайлашқан болуп, археологийәлик қезишни хитай хәлқ университети билән "шинҗаң мәдәний ядикарлиқлар археологийә орни бирликтә елип барған.

Уйғур идиқут дөлити дәвригә аит бу асарәтиқә вә қурулуш излири хитай һөкүмити уйғурларниң тарихидики мустәқил ханлиқлирини рәт қилип, уларни "хитайниң әзәлдин тартип бир парчиси" дегәнни илгири сүрүватқан, кишиләрдә бу хил қарашни шәкилләндүрүш үчүн маддий пакит ясаш, тарихни бурмилаш, пәрқлиқ қараштики уйғур тарихчилири вә мәдәнийәт тәтқиқатчилирини йоқитишни ‍өз ичигә алған һәр хил вастиларни ишқа селиш билән әйиблиниватқан бир вақитта байқалған.

Хитайниң "җуңго гезити" ниң хәвәр қилишичә, дөң қәдимки харабилиқида елип берилған қезишта ‍идиқут дәвригә аит һойла, мунча, будда ибадәтханиси, христиан дининиң бир тармиқи болған нестуриян мәзһипи черкавиниң қалдуқи қатарлиқ қурулуш излири байқалған. Бу орундин йәнә көп миқдарда уйғур йезиқи, сүряни йезиқи, хитай йезиқи вә там рәсимлирини өз ичигә алған асәрәтиқиләр тепилған. Археологлар бу харабилиқниң шималидики чоң қурулуш изиниң нестуриян черкави икәнликини бекиткән. Хитай һөкүмити 2013-йили бу харабилиқни дөләт дәриҗилик мәдәний ядикарлиқлар нуқтилиқ қоғдаш орни, дәп елан қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт