Хитай атуштики қанлиқ вәқәни хәвәр қилишқа мәҗбур болди

Мухбиримиз җүмә
2013.07.31

Хитай даирилири атушта йүз бәргән бир қетимлиқ өй ахтуруш һәрикити кәлтүрүп чиқарған қанлиқ вәқәни мәхпий тутқан болсиму, мәзкур вәқә радиомизда ашкариланғандин кейин, вәқәдә өлтүрүлгән хитай сақчисиға аталған матәм мурасимини хәвәр қилишқа мәҗбур болди.

Радиомизда вәқәниң 30- июн атуш шәһиридә йүз бәргәнлики, өй тәкшүрүшкә киргән сақчилардин мәмәтнур исимлик бир қирғиз сақчиниң пичақлап өлтүрүлгәнлики, һуҗумчи уйғурниң йәнә бир хитай сақчиси тәрипидин етип өлтүрүлгәнликини хәвәр қилинған иди.

“тәңритағ тори” ниң хәвәр қилишичә, һуҗумда өлгән сақчиниң исми мәмәтнур. Турдинияз. У яриланғандин кейин, шу йәр вақти 12:30 да дохтурханиға елип берилған, әмма 1 дин 44 минут өткәндә қутқузуш унум бәрмәй өлгән.

Хәвәрдә өй тәкшүрүш җәрянида немә вәқә йүз бәргәнлики, өйи тәкшүрүлгән уйғурниң немә үчүн сақчиларға һуҗум қилғанлиқи көрситилмигән.

Хитай даирилири һуҗумчиниң “қачқун җинайәтчи” икәнликини илгири сүргән болсиму, униң исим фамилиси вә немә җинайәт садир қилғанлиқини ашкарилимиған.

Хитай сақчилири әзәлдин уйғурлар қаратқан зораванлиқлирини аталмиш террорлуққа зәрбә бериш нами астида қанунлуқ қилип көрситишкә тиришип келиватқан болуп, бу кишилик һоқуқ тәшкилатлириниң тәнқидигә учриған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.