Xitay atushtiki qanliq weqeni xewer qilishqa mejbur boldi

Muxbirimiz jüme
2013.07.31

Xitay da'iriliri atushta yüz bergen bir qétimliq öy axturush herikiti keltürüp chiqarghan qanliq weqeni mexpiy tutqan bolsimu, mezkur weqe radi'omizda ashkarilan'ghandin kéyin, weqede öltürülgen xitay saqchisigha atalghan matem murasimini xewer qilishqa mejbur boldi.

Radi'omizda weqening 30- iyun atush shehiride yüz bergenliki, öy tekshürüshke kirgen saqchilardin memetnur isimlik bir qirghiz saqchining pichaqlap öltürülgenliki, hujumchi Uyghurning yene bir xitay saqchisi teripidin étip öltürülgenlikini xewer qilin'ghan idi.

“Tengritagh tori” ning xewer qilishiche, hujumda ölgen saqchining ismi memetnur. Turdiniyaz. U yarilan'ghandin kéyin, shu yer waqti 12:30 da doxturxanigha élip bérilghan, emma 1 din 44 minut ötkende qutquzush unum bermey ölgen.

Xewerde öy tekshürüsh jeryanida néme weqe yüz bergenliki, öyi tekshürülgen Uyghurning néme üchün saqchilargha hujum qilghanliqi körsitilmigen.

Xitay da'iriliri hujumchining “Qachqun jinayetchi” ikenlikini ilgiri sürgen bolsimu, uning isim familisi we néme jinayet sadir qilghanliqini ashkarilimighan.

Xitay saqchiliri ezeldin Uyghurlar qaratqan zorawanliqlirini atalmish térrorluqqa zerbe bérish nami astida qanunluq qilip körsitishke tiriship kéliwatqan bolup, bu kishilik hoquq teshkilatlirining tenqidige uchrighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.