Ray sinash netijisi: awstraliyeliklerning yérimigha yéqini xitayni herbiy tehdit dep qaraydu

Muxbirimiz shöhret hoshur
2017-06-22
Share

Sédniydiki lowiy xelq'ara siyaset tetqiqat orni bügün, xitay heqqide bir ray sinash netijisi élan qildi.

Melum bolushiche, awstraliyeliklerning yérimigha yéqini kelgüsi 20 yilda xitay awstraliye üchün herbiy tehditke aylinidu dep qaraydu. Xewerlerde déyilishiche, ray sinashta xitayni herbiy tehdit dep awaz bergüchilerning sani 46% ge yetken bolup, bu nisbet 2015-yilidikige nisbeten 7% ashqan.

Roytirisning bu heqtiki xewiride déyilishiche, awstraliyede xitay endishisining küchiyishige, xitayning yéqinqi yillardin béri jenubiy déngizda sün'iy arallarni peyda qilishi, u yerdiki herbiy eslihelirini kéngeytishi we filippin, wiyétnam we bruni qatarliq döletler bilen jenubiy déngiz mesiliside izchil halda térritoriye talishishi seweb bolghan. Ray sinashta yene, xitayni soda shériki dep qarighuchilarningmu az emesliki melum bolghan.

Bu ray sinash netijisi heqqide pikir bayan qilghan amérika tinch okyan herbiy qomandanliridin tom xonson "Amérika bilen ittipaqdash bolup turup, xitay bilen soda qilish arisida tengpungluqni saqlash asan ish emes, menche awstraliye dölet menpe'eti üchün qaysisining bekrek muhimliqi heqqide oylinishi kérek" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet