Австралийә ишчилар уюшмиси австралийә һөкүмитини уйғур районидики қуяш ениргийәси бирикмә деталиға четишлиқ мәҗбурий әмгәккә диққәт қилишқа чақирған

Мухбиримиз җәвлан
2021-04-22
Share

Австралийә ABC ториниң хәвәр қилишичә, австралийә ишчилар уюшмиси австралийә федратсийә һөкүмитини уйғур районидики қуяш ениргийәси бирикмә деталлири ишләпчиришиға четишлиқ мәҗбурий әмгәк мәсилисигә диққәт қилишқа чақирған болуп, бу мәсилини һәл қилиш үчүн австралийәниң өзигә мәбләғ селип, қуяш ениргийәси бирикмә деталлири ишләпчиқиришқа дәвәт қилған.

Хәвәрдә ейтилишичә, австралийәдә орнитилған қуяш енергийәси тахтисиниң 80 пирсәнти хитайдин келидикән. Һалбуки, хитайдин келидиған бу мал уйғурларни мәҗбурий әмгәккә салидиған завутларда ишләпчиқирилидикән.

Австралийә ишчилар уюшмиси кеңиши һөкүмәтниң мәҗбурий әмгәк арқилиқ ишләпчиқирилған яки ясалған барлиқ малларни импорт қилишни чәклишини үмид қилидикән. Мәзкур кеңәшниң рәиси мишел онейл мухбирға қилған сөзидә хитайниң уйғурларға селиватқан зулумини, җүмлидин мәҗбурий әмгәк вә адәм әткәсчилики җинайәтлирини тилға алған.

Буниңдин илгири америка ишчилар уюшмиси байден һөкүмитигә бесим ишлитип, уйғур районида ишләпчиқирилидиған қуяш енергийәси тахтисини импорт қилишни чәкләшни тәләп қилғаниди. Мишел онийелниң билдүрүшичә, австралийә хитайда мәҗбурий әмгәк арқилиқ ишләпчиқирилған мәһсулатларни сетивалмаслиқ җәһәттә америка, әнгилийә, канада қатарлиқ дөләтләрдин кейин туридикән.

Хитай һөкүмити болса мәҗбурий әмгәк мәсилисини инкар қилипла қалмай, хәлқараниң униң билән четишлиқ малларни алмаслиқини "хитайниң иқтисадий тәрәққиятиға қилинған қәстән бузғунчилиқ" дәп әйибләп кәлмәктә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт