Proféssor azad sultanning mexsus Uyghur edebiyati heqqidiki kitabi neshir qilindi

Muxbirimiz ümidwar
2016.07.24


Uyghur edebiyatshunasliqining muhim wekilliridin biri, shinjang uniwérsitétining proféssori azad rehmitulla sultanning “Milliy edebiyatning bayani we qurulushi” namliq kitabi yéqinda béyjingdiki yazghuchilar neshriyati teripidin xitay tilida neshr qilinip tarqitilghan.

Uyghur tor betliridiki bahalarda qeyt qilinishiche, mezkur eser Uyghur edebiyati tetqiqati sahesidiki muhim bir töhpe süpitide edebiyat saheside yuqiri tesir qozghighan we xitay edebiyatshunaslirining shuningdek xelq'ara mutexessislerning Uyghur edebiyatini chüshinishide muhim rol oynaydighanliqi körsitilgen.

Gerche ilgiri bir qisim xitay edebiyatshunasliri hazirqi zaman we klassik Uyghur edebiyati heqqide mexsus emgeklerni yazghan bolsimu, biraq ularning köpi Uyghur tili we chaghatay tilini bilmey, peqet terjimige tayan'ghachqa Uyghur edebiyati heqqide chongqur we qayil qilarliq netijilerni otturigha chiqiralmighan iken. Shunga azad sultanning esirining yuqiri ilmiy qimmitini chüshen'gen xitayning meshhur yazghuchisi, sabiq xitay medeniyet ministiri wang méng we Uyghur rayonidiki ataqliq xitay yazghuchiliridin dung libo qatarliqlar kitabqa kirish söz yézip eserni yuqiri bahalighan.

Tengri tagh torining yézishiche, bu kitab emeliyette proféssor azat sultanning yuqiri sewiyilik ilmiy maqalilar toplimi bolup, 40 parche maqalidin terkip tapqan. Bular kilassik Uyghur edebiyati, hazirqi zaman Uyghur edebiyati, hazirqi zamanda mexsus xitay tilida eser yazidighan Uyghur yazghuchilirining eserlirining bediy qimmiti we bashqilargha qaritilghan. Shuningdek Uyghur edebiyatidiki yüsüp xas hajip, élishir nawayi, abduréhim ötkür we bashqa meshhur nanamyedilerning eserliri heqqide etrapliq analizlar yürgüzülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.