Xitayning "Beydu" torida Uyghur emgek küchlirini sétish élani chiqirilghan

Muxbirimiz erkin
2020-09-28
Share

Xitayning "Beydu" torida Uyghur emgek küchlirini sétish élan chiqirilip, chet'el közetküchilirining diqqitini qozghighan.

26-Séntebir amérikaliq Uyghurshunas timoti gros xitayning "Beydu" torida élan qilin'ghan Uyghur emgek küchlirining sétilidighanliqi heqqidiki bir élanni twittérgha yollap, qattiq ghulghula qozghidi. Közetküchilerning tekitlilishiche, bu xil élanlarning torda ashkara élan qilinishi, "Beydu" gha oxshash xitaydiki eng chong uchur ambirining bu xil élanlarni bazar bilen teminlishi Uyghurlarning nöwettiki qorqunchluq weziyitini namayan qilidiken.

"Beydu" toridiki élanda shinjang hökümitining 3000 din artuq Uyghurni ichkiridiki karxanilarda ishleshke yollighanliqi, ularning qattiq siyasiy tekshürüshtin ötkenliki, beden tekshürüshte layaqetlik bolghanliqi ilgiri sürülgen. Élanda tekitlishiche, yallighuchi karxana tamaq étish orni we tamaq étish üskünisi bilen terminlisila bolidiken, ishchilarning ashpizi ular bilen teng kélidiken. Élanda ishchilarning toxtam imzalinip 15 kün ichide karxanida teq bolidighanliqi, ularning "Herbiy tüzüm bilen bashqurulidighanliqi, kétip qalmaydighanliqi, toxtam qereli qanchilik bolsa shunchilik ishleydighanliqi" tekitlen'gen. Élanda "Ishchilar zawutning orunlashturushigha boysunidu. Shinjang hökümiti we saqchilar yétekchilik qilidu," déyilgen.

Bu xitay ijtima'iy taratqulirida élan qilin'ghan Uyghur emgek küchlirini sétish toghrisidiki tunji élan emes. Bu xil élanlar burunmu élan qilin'ghan. Bezi élanlarda "Eger Uyghur ayal ishlemchiler kérek bolsa," ularnimu teminleydighanliqi tekitlen'gen. Mezkur élan amérika dölet mejlisining awam palatasi "Uyghurlarda mejburiy emgékning aldini élish qanun layihesi" ni maqullighan mezgilde tarqaldi. Mezkur qanun layihesi ötken hepte awam palatasida 3 ke qarshi 406 awazning qollishi bilen maqullan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.