Тоқсу-бай төмүрйоли қурулуши хитай һөкүмитиниң бир қатар байлиқ қезиш пиланлирини ашкарилиди

Мухбиримиз әзиз
2022-01-04
Share

Йеқинда хитай һөкүмитиниң тоқсу наһийәсидин бай наһийәсигә тутишидиған тоқсу-бай төмүр йол қурулушини башлимақчи болуватқанлиқи, буниңға төт милярд сом (тәхминән 550 милйон америка доллири) ға йеқин мәбләғ селинидиғанлиқи мәлум болди.

“ақсу ахбарат тори” ниң бу һәқтики хәвиридә ейтилишичә, омуми узунлуқи 91 километир болған бу төмүр йоли линийәси дөләт земинини ечиш типидики төмүр йол тармақ линийәси болуп, бай наһийәси тәвәсидики енергийә-химийә санаити базиси вә хам әшя бағчә райони қурулуши үчүн һүл муәссәсә қурулуши һесаблинидикән. Шуниңдәк “ташйолда тошушни төмүрйолда тошушқа өзгәртиш” тики йеңи бөсүш болуп қалидикән.

Мәлум болушичә, бай наһийәси йиллардин буян өзиниң юқири сүпәтлик көмүркан базилири билән мәшһур болуп кәлгәниди. Әмма йеқинқи мәзгилләрдә ақсу тәвәсидә арқиму-арқидин қурулуватқан “бағчә райони” намидики ишләпчиқириш базилириниң бир қисми дәл мушу районда қурулған болуп, ‍уйғур дияридики мәҗбурий әмгәккә четишлиқ ишләпчиқириш нуқтилири һәққидики түрлүк тәхминләрму оттуриға чиқиватқаниди. Әмди хитай һөкүмитиниң ашкара һалда буни “байлиқ ечиш характеридики қурулуш” дәп елан қилиши бу һәқтики көплигән соалларни пәйда қилмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт