Toqsu-bay tömüryoli qurulushi xitay hökümitining bir qatar bayliq qézish pilanlirini ashkarilidi

Muxbirimiz eziz
2022-01-04
Share

Yéqinda xitay hökümitining toqsu nahiyesidin bay nahiyesige tutishidighan toqsu-bay tömür yol qurulushini bashlimaqchi boluwatqanliqi, buninggha töt milyard som (texminen 550 milyon amérika dolliri) gha yéqin meblegh sélinidighanliqi melum boldi.

“Aqsu axbarat tori” ning bu heqtiki xewiride éytilishiche, omumi uzunluqi 91 kilométir bolghan bu tömür yoli liniyesi dölet zéminini échish tipidiki tömür yol tarmaq liniyesi bolup, bay nahiyesi tewesidiki énérgiye-ximiye sana'iti bazisi we xam eshya baghche rayoni qurulushi üchün hül mu'essese qurulushi hésablinidiken. Shuningdek “Tashyolda toshushni tömüryolda toshushqa özgertish” tiki yéngi bösüsh bolup qalidiken.

Melum bolushiche, bay nahiyesi yillardin buyan özining yuqiri süpetlik kömürkan baziliri bilen meshhur bolup kelgenidi. Emma yéqinqi mezgillerde aqsu teweside arqimu-arqidin quruluwatqan “Baghche rayoni” namidiki ishlepchiqirish bazilirining bir qismi del mushu rayonda qurulghan bolup, ‍uyghur diyaridiki mejburiy emgekke chétishliq ishlepchiqirish nuqtiliri heqqidiki türlük texminlermu otturigha chiqiwatqanidi. Emdi xitay hökümitining ashkara halda buni “Bayliq échish xaraktéridiki qurulush” dep élan qilishi bu heqtiki köpligen so'allarni peyda qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet