"Mulen" ni bayqut qilish chaqiriqi otturigha qoyuldi

Muxbirimiz eziz
2020-09-07
Share

Disniy shirkiti yéqinda ishligen yéngi filim "Mulen" 4-séntebir küni tarqitilghandin kéyin mezkur filimni bayqut qilish chaqiriqi arqimu-arqidin herqaysi sahedikilerning qollishigha érishti.

"Mulen" namliq bu filimda xitayning jenubiy we shimaliy sulaliler dewri (miladi4-6-esirler) de awarlar xitayning ottura tüzlenglikige hujum qilghan mezgildiki bir riwayet teswirlen'gen. Uningda mulem isimlik bir xitay qizning erenche yasinip, dadisining ornigha shimaldin kelgen bu köchmen xelqqe qarshi urushqa atlan'ghanliqi xitaylarning "Wetenperwerliki" ning ispati qilin'ghan.

Mezkur filimda filim ishligüchiler xitay kompartiyesi sh u a r partkomigha we uning teshwiqat bölümige, shundaqla turpan wilayetlik saqchi idarisige "Filim ishleshke qulayliq shara'it yaritip bergenliki" üchün alahide teshekkür éytqan. Arqidinla mulenning rolini alghan xitay artisi lyu yiféy xongkongdiki démokratiye namayishini zorluq wasitiliri arqiliq basturghan xongkong saqchilirini qollaydighanliqini bildürgen. Buning bilen "Mulenni bayqut qilish" namidiki féysbuk chaqiriqigha kishiler tushmutushtin awaz qoshqan.

Kanadadiki pa'aliyetchilerdin shawn jang bu heqte söz qilip: "Az dégendimu 14 lagérgha minglighan Uyghurni qamiwalghan turpan wilayetlik saqchi idarisige rehmet éytishni qandaq chüshinish kérek?" dep so'al qoyghan.

Melum bolushiche, mezkur filimgha 200 milyon amérika dolliriliq chiqim qilin'ghan bolup, xitayning jét li, donné yen, gong li, lyu yiféy qatarliq dangliq artistliri rol alghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.