BBC: “Afghanistandiki Uyghurlar hem talibanning hem xitayning qosh wehimiside qalghan”

Muxbirimiz erkin
2021.08.27

BBC 26-Awghust xewer bérip, afghanistandiki Uyghurlarning hem taliban hem xitayning qosh wehimiside qalghanliqini bildürgen. Xewerde afghanistandiki Uyghurlarning nöwette milyonlighan afghanlargha oxshashla talibanlarning hakimiyetni ötküzüwélishidek bir ré'alliq bilen yüzleshkenlikini, ularning bashqa afghanlargha oxshashla talibanlardin qorqsimu, emma oxshimaydighan yéri ularning yene xitayning afghanistandiki tesir küchidinmu qorqidighanliqini ilgiri sürgen.

Xewerde éytilishiche, afghanistanda yashaydighan 2000 dek Uyghurning köp qismi ata-anisi xitaydin qéchip kelgen 2-ewlat Uyghurlar bolsimu, biraq ularning kimlik kartisigha “Uyghur” yaki “Xitayliq köchmen” dep yézilghanliqi uchün, eger xitay afghanistanda amérikaning ornini igilise, ularning xitayning zerbe bérish nishanigha aylinshidin ensireydiken.

Kabulda turushliq 50 yashlardiki bir Uyghur BBC gha söz qilip: “Bu hazir afghanistandiki Uyghurlarning üng chong qorqunchi” ikenlikini bildürgen. BBC Ning éytishiche, u yene “Biz talibanlarning xitayning bizni kontrol qilishigha yardem qilishidin yaki ularning bizni qolgha élip xitaygha ötküzüp bérishidin qorqimiz,” digen.

Talibanlar afghanistanni kontrol qilghan 14-awghusttin béri qanche Uyghurning afghanistandin qéchip chiqishqa muweppeq bolghanliqi melum emes. BBC Gha söz qilghan Uyghurlarning hemmisi talibanlar hakimiyetni igiligendin béri sirtqa chiqmay öyliride mükünüp yatqanliqini bildürgen. Afghanistanning mazari sherif shehiride olturushluq bir Uyghur, 10 kündin béri talagha chiqmay öyde olturghanliqini bildürüp: “Bizning kimlik kartimizda ‛Uyghur‚ dep éniq yéziqliq,” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.