B d t kishilik hoquq emeldarining xitaygha teklip qilin'ghanliqi melum

Muxbirimiz nuriman
2020-02-26
Share

Wuxendin bayqalghan tajsiman wirusining xitaydin halqip 29 döletke tarqilishi, wirusning Uyghur élidiki lagérda yétiwatqan milyonlighan tutqunlargha yuqush éhtimalliqini kücheytken.

Bu éhtimalliq chet'ellerdiki Uyghur jama'iti arisida küchlük endishe qozghighan bolup, ular "Wirus lagérgha tehdit salmaqta", "Dunya sehiye teshkilati ürümchige barsun" qatarliq imza qoyush pa'aliyiti bashlighan.

Uyghurlarning bu pa'aliyiti "El-jezire" téléwiziyesi, "Muhapizetchi" qatarliq nopuzluq metbu'atlarningmu diqqitini tartqan. 

Roytirs agéntliqining 26-féwral xewiride körsitilishiche, xitayning b d t diki elchisi xitayning birleshken döletler teshkilati kishilik hoquq komitétining yuqiri derijilik emeldarini bu yil xitayda, hetta Uyghur rayonidimu ziyarette bolushqa teklip qilghanliqini éytqan.

Xitay da'iriliri birleshken döletler teshkilatining Uyghur rayonigha adem ewetish telipini uzundin biri ret qilip kelgen idi.

B d t kishilik hoquq aliy komissari bachlit xanimning bayanatchisi bu heqte téxi ipade bildürmigen. 

Xitay terep kishilik hoquq komitétigha bachlit xanimning ziyariti jeryanidiki pa'aliyet orunlashturushigha yéqindin yardemde bolidighanliqini éytqan.

Birleshken döletler teshkilati tetqiqatchiliri we pa'aliyetchiler az dégendimu bir milyondin artuq Uyghur we bashqa musulmanlarning lagérlarda tutup turuluwatqanliqini eskertken.

Xitay u yerlerni térrorluqni we radikalliqni tügitip kishilerge hüner-kesip ögitidighan "Terbiyelesh merkizi" dep teswirlep kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet