Xitay wekili b d t xewpsizlik kéngishide aydin enwerning lagérlar heqqidiki su'aligha duch keldi

Xitayning b d t da turushluq da'imiy wekili b d t xewpsizlik kéngishining yighinida pa'aliyetchilerning lagérlar heqqidiki su'aligha duch kelgen.

B d t xewpsizlik kéngishining ammiwiy teshkilatlar bilen ötküzgen yighinida amérikadiki Uyghur pa'aliyetchi aydin enwer xitayning b d t diki da'imiy wekili jang jün'ge su'al qoyup, özining Uyghur rayonida ghayip bolghan uruq-tughqanlirini shundaqla Uyghurlarni keng kölemlik tutqun qilishni qandaqlarche dölet bixeterlikige baghlap aqlighili bolidighanliqini sorighan.

Xitay bu yil 3‏-aydin bashlap b d t xewpsizlik kéngishining re'islik ornini ötküziwalghan idi. Jang jün 2-mart küni ammiwiy teshkilatlar bilen uchrishish yighini ötküzüp, xitayning xizmet pilani heqqide muzakire élip barghan. Yighinda amérikadiki Uyghur pa'aliyetchi aydin enwer bilen kishilik hoquqni közitish teshkilatining wekili lagérlar heqqide su'al sorighan. Kishilik hoquq közitish teshkilati xitayning b d t kishilik hoquq ali komissarining Uyghur rayonida cheklimisiz tekshürüsh élip bérishigha yol qoyidighan-qoymaydighanliqini sorighan. Jang jün bu su'allargha bergen jawabida xitay hökümitining qéliplashqan chaqiriqlirini tekitlep, Uyghur rayonidiki tutqunning "Yer shari xaraktérliq térorluqqa qarshi turush kürishide intayin muhim" ikenlikini tektiligen.

Uning ilgiri sürishiche, Uyghur rayonida kishilik hoquqning éghir depsendichilikke uchrawatqanliqi, Uyghurlargha qarita keng kölemlik nazaret élip bériliwatqanliqigha da'ir xewerler "Yalghan we ösek sözler" iken. Jang jün b d t kishilik hoquq ali komissari mishél bachélétning Uyghur rayonini ziyaret qilishqa 10 qétimdek teklip qilin'ghanliqini bildürgen bolsimu, lékin uning mezkur rayonda cheklimisiz tekshürüsh élip bérishigha yol qoyulidighan yaki qoyulmaydighanliqigha jawap bermigen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar