Xitay hökümiti özige baghliq atalmish “Teshkilatlar” namida b d t ning Uyghurlar heqqidiki doklatini eyibligen

Muxbirimiz irade
2022.07.28
Share on WhatsApp
Share on WhatsApp

Xitayning hökümet axbarati bolghan “Xitay xewerler tori” yéqinda dunyaning herqaysi jayliridiki 900 din oshuq ammiwi teshkilat imza qoyghan bir parche ochuq xetni élan qilip, bu teshkilatlarning birdek mishél bachélétni Uyghurlar heqqidiki doklatni élan qilmasliqqa chaqirghanliqini bildürgen.

“Xitay xewerler tori” ning ilgiri sürüshiche, herqaysi ellerdiki jem'iy 923 ammiwi teshkilat birlikte birleshken döletler teshkilati kishilik hoquq aliy komisssarliqi teripidin teyyarlan'ghan, emma xitayning bésimi bilen ikki yilgha yéqin waqittin béri élan qilinmaywatqan bu doklatni “Saxta we xitaygha qarshi küchlerning yalghan guwahliqliri bilen tolghan” dep eyibligen, shundaqla mishél bachélét ishxanisini bu doklatni élan qilishni ret qilishqa chaqirghan.

Halbuki, firansiye xelq'ara radiyosi (RFI) ning yuqiriqi bu atalmish ammiwi teshkilatlarni tekshürüp körüshiche, bu 923 teshkilatning köpi xitayning özidiki teshkilatlar iken. Ularning ichidiki 700 din köpreki Uyghur élidiki atalmish “Ammiwi teshkilatlar” dep körsitilgen bolsa, qalghan chet el teshkilatlirining köpinchisi afriqa döletliri hemde pakistan qatarliq xitay bilen intayin qoyuq munasiwiti bar döletlerdiki “Teshkilat” lar iken.

Bu atalmish “Ammiwi teshkilat” lar ichidiki 138-orun'gha tizilghini “Fransiyediki hökümettin musteqil bir ammiwi teshkilat” déyilgen bolup, uning ismi “Fransiye poléniziye we tinch okyan ishliri kéngishi” (法屬波利尼西亞太平洋事務理) iken.

Firansiye xelq'ara radiyosining igilishiche, in'gilizche nami “Tinch okyan ishliri kéngishi” bolghan bu teshkilat eslide “Xitayning chet eller bilen dostluq jem'iyiti” dep atalghan teshkilatning hemkarliqida qurulghan teshkilat bolup, u xitay kompartiyesining chet ellerge sozulghan qoli bolghan “Xitay merkizi birliksep bölümi” teripidin qurulghan iken. “Tinch okyan ishliri kéngishi” ning bashliqi xiriya ottino (Hiria Ottino) ning xitay hökümiti bilen bolghan munasiwiti intayin qoyuq bolup, u dawamliq halda xitayning yipek yoligha munasiwetlik yighinlirigha qatniship kelgen iken.

Xitay hökümitining nöwette dunyaning herqaysi jayliridiki kishilik hoquq organliri, Uyghur teshkilatliri birlikte mishél bachélétni Uyghurlar heqqidiki basturup qoyulghan doklatni élan qilishqa qistawatqan bir peytte, atalmish “Chet el teshkilatliri” namida bu doklatni élan qilmasliqni teshebbus qilishi, diqqet qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.