Б д т кишилик һоқуқ йиғинида хитай һөкүмити “шинҗаң доклати” ға қарши күч топлиған

Мухбиримиз җәвлан
2022.09.14
Share on WhatsApp
Share on WhatsApp

8-Айниң 31-күни бирләшкән дөләтләр тәшкилати кишилик һоқуқ ишханиси хитай һөкүмитиниң уйғур районида инсанийәткә қарши җинайәт өткүзүватқан болуши мумкинлики һәққидики доклатни елан қилғандин кейин хитай уни әйибләп келиватқан болуп, 13-сентәбир күни 20 дөләтниң қоллиши билән бирләшмә баянат елан қилип, б д т ниң бу доклатини йәнә тәнқидлигән.

“руйтерс агентлиқи” ниң бу хәвиридә ейтилишичә, хитайни қоллиған 20 дөләт ичидә мисир, пакистан қатарлиқ дөләтләр бар икән; әмма һәқиқий әһвалдин қариғанда, б д т хәвпсизлик кеңишигә әза 47 дөләт ичидә бу аталмиш бирләшмә баянатни қоллайдиған дөләтләрниң сани мөлчәрдикидин аз болуши мумкин икән. Йәнә келип, хитайни қоллиған дөләтләр ичидә пәқәт 7 дөләтниңла беләт ташлаш һоқуқи бар икән. Хитай өз мәқситигә йетиш үчүн техиму көп дөләтләрниң, болупму күчлүк дөләтләрниң қоллишиға моһтаҗ икән.

Бу хәвәрдә көрситилишичә, америка, канада, явропа иттипақиға әза дөләтләр б д т елан қилған доклатни қоллиған вә 13-сентәбир күнидики йиғинда уни көп тилға алған. Бу демократик дөләтләр нөвәттә б д т да өткүзүлүватқан хәвпсизлик кеңиши йиғинида “хитайни тәкшүрүш механизми” бәрпа қилишни өз ичигә алған тарихий характерлик бир тәклип сунушни ойлишиветипту.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.