"Junggo puqralar küchi" teshkilati xitayning b d t kishilik hoquq kéngishi ezaliqigha qarshi turush herikiti bashlidi

Muxbirimiz erkin
2013-09-13
Share

Amérikini baza qilghan "Junggo puqralar küchi" teshkilati torda imza toplap, xitayning b d t kishilik hoquq kéngishige tekrar eza bolushigha qarshi turush herikiti qozghidi.

Mezkur teshkilat xitay, xongkong, teywen we dunyaning bashqa jayliridiki xitaylargha we tibet, Uyghur, mongghullargha chaqiriq élan qilip, kishilik hoquqqa buzghunchiliq qiliwatqan junggoning b d t kishilik hoquq kéngishige eza bolush salahiyiti yoqluqini bildürgen.

Xitay ilgiri kishilik hoquq kéngishige ikki qétim eza bolghan.

Xitay kishilik hoquq kéngishige 2‏ qétim eza bolghan. U bu yil 3‏-qétim ezaliqqa iltimas qildi. Kishilik hoquq kéngishining saylimi bu yil 11‏-ayda ötküzülidu. Junggo puqralar küchi teshkilati del saylam harpisida xitayning ezaliqigha qarshi turush herikiti bashlighan.

Mezkur organning ilgiri sürüshiche, tyen'enmén qirghinchiliqi yüz bergen 25 yildin buyan, xitay hökümiti kishilik hoquqqa buzghunchiliq qilishni bir künmu toxtap qoymighan. Puqralarning söz, neshriyat, axbarat, yighilish, namayish qilish, ish tashlash we diniy erkinlikige izchil buzghunchiliq qilip kelgen. Xitayning milliy siyasiti dunyani zil-ziligha salghan "14‏-Mart laxsa weqesi", " 5‏-Iyul ürümchi weqesi", "25‏-May ichki mongghul mergen weqesi" we yüz nechche tibetning özini köydürüsh weqelirini keltürüp chiqarghan.

Mezkur teshkilat yene, b d t gha "5‏-Iyul ürümchi weqesi" üzül-késil tekshürüsh qatarliq 8 türlük telepni otturigha qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet