Б д т сүрийә һөкүмитиниң тутқунларни системилиқ "йоқ қиливатқанлиқи"ни илгири сүрди

Мухбиримиз әркин
2016-02-08
Share

Б д т дүшәнбә күни кишилик һоқуқ тәкшүрүш доклати елан қилип, сүрийә һөкүмитиниң миңлиған тутқунни "йоқ қиливатқанлиқи" ни вә буни дөләт сиясити сүпитидә йүргүзүватқанлиқини илгири сүрди.

Мәзкур доклат б д т кишилик һоқуқ кеңишиниң бир тәкшүрүш гурупписи тәрипидин тәйярланған. Доклатта, әсәд һөкүмити инсанлиққа қарши туруш җинайити садир қилиш билән әйибләнгән.

Доклатта йәнә, әсәд һөкүмәт тәрәпдарлириниң вә униңға қарши қораллиқ өктичиләрниң охшашла уруш җинайити садир қилған болуши мумкинлики илгири сүрүлгән. Доклатта қәйт қилишичә, нурғун тутқун тән җазасиға учриған. Бәзи тутқунлар таяқ зәрбисидә, бәзиләр ачлиқ, сусизлиқтин яки давалашқа еришәлмәй өлгән.

Мәзкур доклат сүрийәдә 2011‏-йили 3‏-айда әсәд һөкүмитигә қарши исян башлинип бүгүнки қәдәр зиянкәшликкә учриған нәччә йүз гуваһчини зиярәт қилиш арқилиқ тәйярланған.

Доклатта, тутқунларниң әһвали "кишилик һоқуқни қоғдаштики җиддий һәм зор көләмлик кризис" дәп тәриплинип, "һаят қалғанлар тәминлигән дәлилләр йүз бәргән зораванлиқниң қанчилик дәһшәтлик икәнликини сүрәтләп бериду" дейилгән.

Б б с ниң илгири сүрүшичә, сүрийә урушида һазирға қәдәр 250 миң адәм өлгән, 4 милйондин артуқ адәм чәтәлгә мусапир болуп чиқип кәткән,13 милйондин артуқ адәм инсани ярдәмгә моһтаҗ әһвалға чүшүп қалған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт