B d t kishilik hoquq mutexessisliri taylandiki Uyghurlarning ehwaligha köngül bölüshni telep qilghan

Washin'gtondin muxbirimiz jewlan teyyarlidi
2024.04.24

Birleshken döletler teshkilati xalighanche tutup turush mesilisi xizmet guruppisi qatarliq orunlar we b d t kishilik hoquq mutexessisliri tayland hökümitige iltimas sunup, ular tutup turuwatqan Uyghurlarning ehwaligha köngül bölüshni telep qilghan؛ ular tutqundiki bu Uyghurlarning qiyin shara'itta yashawatqanliqini, xorluq, haqaret we qiyin-qistaqqa uchrawatqanliqini, bu jeryanda besh Uyghurning ölgenlikini, uning ichide ikkisining nareside balilar ikenlikini eskertken.

Iltimas bilen qoshup sunulghan doklatta mundaq déyilgen: “2014-Yil 3-aydin bashlap, bir türküm Uyghurlar tayland köchmenlerni tutup turush merkizi we türmilerde ularning hayatigha xewp yétidighan shara'itta tutup turuldi. Shundin buyan 5 adem qaza qildi, yene 48 adem türmide yétiwatidu. Buning ichide besh er türmidin qéchishqa urun'ghanliqi sewebidin 12 yilliq késilip, qamaq jazasi ötewatidu. 43 Adem yenila bangkoktiki köchmenler idarisining qamaqxanisida yétiwatidu” .

Doklatta yene, xitaydin qéchip taylandta tutulghan 350 Uyghurdin 173 ademning 2015-yil 7-ayda türkiyege qobul qilin'ghanliqi, 109 er, ayal we balining xitaygha qayturulghanliqi, ularning ölük-tiriklikining téxi namelum ikenliki, taylandta hazir tutup turuluwatqanlarning yaxshi ozuqlinish, dawalinish shara'itining yoqluqi we köpinchisining salametlik ehwalining nacharliqi, hayatining xewp astida ikenliki alahide tekitlen'gen.

Tayland hökümitige sunulghan iltimasning axirida, tayland hökümitidin kishilik hoquqqa munasiwetlik xelq'ara qanun'gha hörmet qilip, bu Uyghurlarni qayturmasliq yaki üchinchi bixeter döletke yötkesh, chégradin chiqiriwétishni adil bir terep qilish, shuningghiche ularning turuwatqan shara'itini éniq tekshürüp körüsh we ularning yashash muhitini yaxshilash qatarliqlar telep qilin'ghan.

 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.