Б д т баш катипи хитайни “ишәнчлик тәкшүрүш” кә йол қоюшқа чақирди

Бирләшкән дөләтләр тәшкилати (б д т) ниң баш катипи антонйо готтерес б д т кишилик һоқуқ кеңишиниң җәнвәдики 49-нөвәтлик мәҗлисидә мәхсус сөз қилип хитай һөкүмитини “кишилик һоқуқ алий кеңишиниң хитайни, җүмлидин уйғур диярини ишәнчлик йосунда тәкшүрүшигә йол қоюши керәк” дегән.

“асия хәлқара хәвәрлири” ниң 1-марттики хәвиригә қариғанда мәзкур мәҗлис җәрянида америка ташқи ишлар министири антони бленкин әпәнди “хитай һөкүмити һелиһәм қирғинчилиқни давам қилдурмақта. Шуңа биз шинҗаңдики бу мислисиз қирғинчилиқтин изчил әндишә қилмақтимиз” дәп көрсәткән. Шуниңдәк б д т кишилик һоқуқ алий кеңишиниң рәиси мичел бачелеттин уйғур дияридики сиясий вәзийәт һәққидә тәйярлап чиққан мәхсус доклатни тездин елан қилишини тәләп қилған.

Дуня уйғур қурултийи (д у қ) ниң фәйсбок (йүздидар) сәһиписидә 28-февралда һәмбәһирләнгән мәзмунларға асасланғанда, америка һөкүмитиниң бу хил мәйданиға аваз қошуш шәклидә оттуриға чиққан баянатларни әнглийә, данийә, түркийә, чех қатарлиқ дөләтләрниң б д т да даимий турушлуқ вәкиллириму айрим-айрим тәкитлигән. ‍Уларниң сөзлиридә уйғурларниң вәзийити, лагер мәһбуслириниң қоюп берилиши қатарлиқ мәсилиләр алаһидә йәр алған.

Мәлум болушичә, б д т кишилик һоқуқ алий кеңишиниң рәиси мичел бачелетниң хитайда һәмдә уйғур диярида чәклимисиз зиярәт болуш мәсилиси изчил қатмаллиқта туруватқан болуп, хитай һөкүмити бу хил зиярәтни қарши алидиғанлиқини көп қетим тәкитлигән. Әмма уларниң бу һәқтики түрлүк тосқунлуқлири түпәйлидин бу зиярәт задила әмәлгә ашмай кәлмәктикән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар