Америка дөләт мәҗлиси әзалири б д т баш катипини хитайға қарита тәдбир қоллинишқа чақирған

Мухбиримиз әркин
2021.07.01

Америка дөләт мәҗлисиниң икки нәпәр нупузлуқ әзаси 1-июл күни б д т баш катипи антонийо гутерисқа очуқ хәт елан қилип, уни хитайниң еғир кишилик һоқуқ дәнсәндичиликини йеқиндин көзитиш үчүн дәрһал тәдбир қоллинишқа, шундақла баһалап чиқишқа чақирған.

Америка дөләт мәҗлиси хитай ишлири комитетиниң қош рәислиридин кеңәш палата әзаси җәф меркилий билән авам палата әзаси җеймис микговерн елан қилған очуқ хәттә, уйғурларниң вәзийити алаһидә тилға елинған.

Очуқ хәттә ишәнчилик доклатлар милйонлиған уйғур вә башқа мусулман аз санлиқ милләтләрниң шинҗаңдики һәрқайси чоң типлиқ җаза лагерлирида тутуп туруливатқанлиқи яки хитайниң башқа җайлиридики түрмә системилириға йөткәлгәнликини көрстиватқанлиқини билдүрүп: “лагерлар ториниң ғайәт зор көлимини көздә тутқанда, хитай һөкүмитиниң дәсләптә лагерларниң мәвҗутлуқини рәт қилиши, кейин лагерларни әсәбийликкә қарши туруш тәдбири дейиши яки ихтиярий кәспий тәрбийиләш дәп ақлиши ишәнчилик әмәс,” дейилгән.

Очуқ хәттә йәнә бир йил аввал 50 дин артуқ б д т алаһидә мутәхәссисиниң чақириқ елан қилип, хитайниң күнсери начарлишиватқан кишилик һоқуқ вәзийитини һәл қилиш ‍үчүн кәскин тәдбир қоллинишни тәләп қилғанлиқи нәқил кәлтүрүлүп, б д т баш катипиниң бу тәләпни әмәлийләштүрүш ‍үчүн немә ишларни қилғанлиқи, җиддий тәдбир қоллинишқа қандақ тосалғуларниң барлиқини доклат қилишқа чақирған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.