Amérikaning b d t diki elchisi b d t ni Uyghurlar uchrawatqan depsendichilikke "Qiziqmasliq we endishe qilmasliq" bilen tenqid qildi

Muxbirimiz erkin
2020-10-30
Share

Amérikaning b d t diki ayallar ishliri bash elchisi keriy kyuri b d t ni Uyghurlar uchrawatqan depsendichilikke "Qiziqmasliq, uningdin endishe qilmasliq" bilen eyibligen. Uning tekitlishiche, b d t irqiy qirghinchiliqning aldini élish meqsitide qurulghan teshkilat bolsimu, lékin u bosniye, riwanda we da'éshning iraq bilen süriyediki yezidilerge irqiy qirghinchiliq qilishining aldini alalmighinidek, shinjang weziyitigimu zuwan sürmey kelmekte iken. Keriy kyuri bu sözlerni 29-öktebir amérika tashqi ishlar ministirliqining sahibxaniliqida ötküzülgen ayallar mesilisi heqqidiki téléfon söhbet yighinida qilghan.

U: "Biz hazir b d t ning yene shinjang weziyitige awaz chiqarmayla qalmastin, belki bu jehettiki intayin jiddiy we intayin ishenchlik bayanlarni heqiqiy rewishte tekshürüp, dunyaning qandaq ishlar boluwatqanliqini bilishige yardemde bolmighanliqini körüwatimiz," dégen. Uning tekitlishiche, b d t buning eksiche xitay hökümiti bilen kélishimlerni imzalap, xitayning ürümchidin bashlan'ghan "Bir belwagh bir yol" pilanini qollimaqtiken.

Keriy kyuri bu sözlerni "Xitay hökümiti ayallarni bala chürüshke mejburlighanliqi yaki ulargha mejburiy tughmasliq üzüki saldurghanliqi üchün irqiy qirghinchiliq bilen sotlinalamdu" dégen so'algha qarita éytqan. U xitayning herikitini irqiy qirghinchiliq, dep ochuq éytmighan bolsimu, lékin "Bular intayin éghir jinayet we jiddiy bayanlar. Biz néme ish boluwatqanliqini dawamliq chüshinishke tirishish bilen birge, delil we qanunlargha, jümlidin 'irqiy qirghinchiliqqa qarshi turush ehdinanmisi' we bashqa qanuniy wastilardiki teleplerge qarawatimiz," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet