Әнглийә парламент әзалири бейҗиң қишлиқ олимпик тәнһәрикәт мусабиқисини байқут қилиш қарарини мақуллиди

Мухбиримиз ирадә
2021-07-15
Share

Әнглийә авам палатасида хитайниң кишилик һоқуқни еғир дәриҗидә дәпсәндә қиливатқанлиқини көздә тутуп, бейҗиң олимпик тәнһәрикәт мусабиқисини дипломатик байқут қилиш һәққидики қарар лайиһәси толуқ қоллаш билән аваздин өткән.

"седний сәһәр мунбири" намлиқ гезитниң хәвәр қилишичә, әнглийә авам палата әзалири 15-июл күни 2022-йиллиқ бейҗиңда өткүзүлидиған қишлиқ олимпик тәнһәрикәт мусабиқисини байқут қилиш үстидә биләт ташлиған. Қарар мутләқ аваз билән мақуллуқтин өткән.

Әнглийә парламент әзалири биләт ташлаш йиғинида әнглийә һөкүмитини хан җәмәти әзалири, дипломатлар вә башқа муһим әрбаблири қатарлиқ вәкилләрни мусабиқигә әвәтмәсликкә чақирған.

Мәлум болушичә, гәрчә бу қарар мәҗбурлаш күчигә игә болмисиму һәм шундақла тәнһәрикәтчиләрниң мусабиқигә беришини тосимисиму, әмма баш министир борис җонсонға хитайни рәсмий йосунда әйибләш үчүн бәлгилик бесим пәйда қилидикән.

Һазир дуняниң һәрқайси җайлирида уйғурларға ирқий қирғинчилиқ қиливатқан шундақла тибәт вә хоңкоңни бастуруватқан хитайдәк бир дөләтниң олимпик мусабиқиси өткүзүшигә қарши туруш чақириқлири зор дәриҗидә күчәйди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт