En'gliye parlamént ezaliri béyjing qishliq olimpik tenheriket musabiqisini bayqut qilish qararini maqullidi

Muxbirimiz irade
2021-07-15
Share

En'gliye awam palatasida xitayning kishilik hoquqni éghir derijide depsende qiliwatqanliqini közde tutup, béyjing olimpik tenheriket musabiqisini diplomatik bayqut qilish heqqidiki qarar layihesi toluq qollash bilen awazdin ötken.

"Sédniy seher munbiri" namliq gézitning xewer qilishiche, en'gliye awam palata ezaliri 15-iyul küni 2022-yilliq béyjingda ötküzülidighan qishliq olimpik tenheriket musabiqisini bayqut qilish üstide bilet tashlighan. Qarar mutleq awaz bilen maqulluqtin ötken.

En'gliye parlamént ezaliri bilet tashlash yighinida en'gliye hökümitini xan jemeti ezaliri, diplomatlar we bashqa muhim erbabliri qatarliq wekillerni musabiqige ewetmeslikke chaqirghan.

Melum bolushiche, gerche bu qarar mejburlash küchige ige bolmisimu hem shundaqla tenheriketchilerning musabiqige bérishini tosimisimu, emma bash ministir boris jonson'gha xitayni resmiy yosunda eyiblesh üchün belgilik bésim peyda qilidiken.

Hazir dunyaning herqaysi jaylirida Uyghurlargha irqiy qirghinchiliq qiliwatqan shundaqla tibet we xongkongni basturuwatqan xitaydek bir döletning olimpik musabiqisi ötküzüshige qarshi turush chaqiriqliri zor derijide kücheydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet