Amérika awam palatasi ezasi kiristofér simis xitay elchixanisi aldidiki olimpikke qarshi namayishqa qatnashti

Muxbirimiz irade
2022-01-27
Share

Amérika awam palata ezasi kiristofér simis 27-yanwar peyshenbe küni bir qisim kishilik hoquq pa'aliyetchiliri bilen birlikte béyjingning “Irqiy qirghinchiliq olimpik tenheriket musabiqisi” ge naraziliq bildürgen.

U amérika paytexti washin'gtondiki xitay elchixanisi aldida ötküzülgen namayishta qilghan sözide: “Biz bügün xitay xelq jumhuriyiti elchixanisi aldida xitaydiki awazsizlar üchün sözlewatimiz. Biz xitaydiki ézilgen xelqler bilen bir septe turimiz,” dégen.

Kiristofér simis sözining dawamida xitay elchixanisida ishleydighanlarni “Xitay kompartiyesining re'isi shi jinpingning yer yüzidiki basturush hakimiyitining wekilliri” dep süpetligen. U nutuqida xitaydiki Uyghurlar, tibetler, xongkongluqluqlar we xitay démokratliri weziyitining künsayin nacharlishiwatqanliqini tilgha élip, yene mundaq dégen:

“Kéler hepte biz olimpik rohining daghlan'ghan, exletke aylan'ghan we yirtilghanliqini körimiz. Bular Uyghur, qazaq we qirghiz qatarliq xelqlirini lagérlargha solaydighan we mejburiy emgekke salidighan shi jinpingning irqiy qirghinchiliq musabiqisidur. Biz choqum irqiy qirghinchiliq musabiqisidin biwasite payda alidighanlarni eyiblishimiz kérek. Biz choqum kokokola shirkitige oxshash béyjing olimpikini qollighuchilarni eyiblishimiz, irqiy qirghinchiliq musabiqisini tarqitidighan NBC we zalim bilen bir septe turghan xelq'ara olimpik komitétini eyiblishimiz kérek.”

Kiristofér simis sözining axirida yene xitay hökümitining özgirishini, rezilliktin waz kéchishini ümid qilidighanliqini, shundaq bolushi üchün du'a qilidighanliqini, undaq bolmaydiken, shi jinpingning aqiwitining yaxshi bolmaydighanliqini bildürgen.

Xitay sahibxanliqidiki béyjing qishliq olimpikige sanaqliq künler qalghanda, bu olimpikni tenqidlesh, naraziliq bildürüsh heriketliri yenimu kücheymekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet