Бейҗиңдики уйғурларниң күни тәсләшкән

Мухбиримиз җүмә
2013.11.09
Share on WhatsApp
Share on WhatsApp


Тйәнәнменгә қилинған аптомобил һуҗумидин кейин, бейҗиң шәһиридә теричилик қилидиған уйғурлар хитай сақчилириниң даимлиқ тәкшүрүш обйектиға айланған.

Бирләшмә агентлиқида көрситишичә, бу хил тәкшүрүш һели һәм давам қилмақта икән.

Хәвәрдә нәқил қилишичә, бейҗиңдики пәйҗаюән базирида сода қилидиған ели зори исимлик уйғур: һуҗумдин кейин улар һәр күни келип ахтуруватиду. Немә үчүнлүкини билмәймиз. Кимликимизниму һәр күни тәкшүриду. Немә болуватқанлиқини билмәй қалдуқ, дегән.

У йәнә уйғурларниң һәр күни паракәндә қилинип турулидиғанлиқини билдүргән.

Хитай даирилири 28 - өктәбир ю бәргән машина һуҗумни “террорлуқ вәқәси” дәп атиған вә вәқәни уйғурларниң садир қилғанлиқини елан қилған.

Хәвәрдә мичиган университети профессори филип потерниң ейтқанлирини нәқил қилишичә, хитай һөкүмити уйғур ели ичидә йүз бериватқан хитайға қарши һәрикәтләрниң уйғур елиниң сиртида йүз берип қелишидин қаттиқ әндишә қилип кәлгән.

У мундақ дегән: хитай қорққан иш болди. Шундақ икән буни контрол қилмақ тәс болуп қелиши мумкин.

У йәнә хитай һөкүмитиниң мушу сәвәбтин хитайниң башқа җайлирида яшаватқан уйғурларға қаратқан тәкшүрүшни күчәйтиши тәбиий икәнликини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт