Béyjing shehiride shi jinping hakimiyitige qarshi sho'ar ésilghan

10-Ayning 13-kün béyjing shehirining 3-aylanmisidiki bir ötüshme köwrükke shi jinping hakimiyitige qarshi sho'ar yézilghan bir lozunka ésilghan bolup, uningda xitay ahalilirining shi jinpinggha bolghan küchlük naraziliqi ipadilen'gen.

Lozunkida “Yadrokislatasi kérek emes, tamaq kérek؛ qamal kérek emes, erkinlik kérek؛ yalghanchiliq kérek emes, hörmet kérek؛ medeniyet inqilabi kérek emes, islahat kérek؛ dahiy kérek emes, saylam béliti kérek؛ qulluq kérek emes, puqraliq kérek” dégen sho'arlar yézilghan؛ yene bir lozunkigha “Ish tashlash, ders tashlash arqiliq dölet oghrisi, mustebit shi jinpingni aghdurup tashlayli!” dégen sho'ar yézilghan.

Xitay kompartiyesi 20-qurultiyi béyjingda dawamlishiwatqan we shi jinpingning üchinchi qétim xitay hakimiyitining béshigha chiqishi asasen muqimliship qalghan bu weziyette, xitay puqralirining bundaq sho'arlarni ésishi küchlük diqqet qozghighan. Xitay saqchiliri neq meydan'gha kélip bu lozunkini derhal yighishturuwetken, bir erni tutup élip ketken؛ lozunkidiki sho'arni torda tarqitip yürgenlerning hésabi taqalghan.