B d t doklati: xitayning iqtisadi ashqan bolsimu, emma xelqining bextiyarliq tuyghusi töwenligen

Muxbirimiz méhriban
2017.03.21

Birleshken döletler teshkilati 20-mart düshenbe küni 2017-yillliq yer shari boyiche “Herqaysi dölet xelqlirining bext tuyghusi” doklatini élan qilghan bolup, mezkur doklatta xitay 79-orun'gha tizilghan. Melum bolushiche, mezkur doklatta 155 dölet tekshürülüsh obikti qilin'ghan. Norwigiye xelqning bextiyarliq(razimenlik) tuyghusi eng yaxshi dölet dep bahalan'ghan, amérika bu yil 14-orunda turghan. Yemen, sudan qatarliq döletler puqralarning razimenlik tuyghusi eng nachar dölet dep bahalan'ghan.

Amérika awazi, b b s agéntliqi qatarliqlarning b t d ning dokladi heqqidiki xewerliridin melum bolushiche, xitay hökümet taratqulirida yéqinqi 30 yilliq iqtisadiy tereqqiyatida xitay xelqining iqtisadiy ehwalida yüksilish bolghanliqi teshwiq qiliniwatqan, xitay hökümiti özini dunyada iqtisadiy jehettin aldinqi orundiki döletler qatarigha ötkenlikini jakarlighan bolsimu, emma xitay xelqidiki bextiyarliq tuyghusi 25 yildin awwalqigha qarighanda töwenligen.

Doklatta xitayning 1990-yildiki ehwali bilen 2015-yilidiki ehwali sélishturulup, xitayda kéyinki 25 yilda zor köpchilik ahalining öyliride mashinilashqan a'ile éliktir saymanliri omumlashqan bolsimu, emma xitayda barghanche örlewatqan mal bahasi, öy-mülük bahasi, ishsizliq, puqralardiki xatirjem yémeklik isitimal qilishtiki wehime, bulghan'ghan hawa kélimati, saghlamliq endishisi, xitay puqraliridiki kishilik hoquq-pikir erkinliki qatarliq köp amillar xitay puqraliridiki bextiyarliq tuyghusining töwenlishishige seweb bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.