15 Gherb dölitining béyjingdiki bash elchiliri chén chüen'go bilen körüshüsh üchün mektup hazirlighan

Muxbirimiz shöhret hoshur
2018-11-15
Élxet
Pikir
Share
Print

Roytérs agéntliqi bügün béyjingdiki gherb diplomatlirining Uyghur aptonom rayonining partkom sékrétari chén chüen'go bilen körüshüshni telep qilip, birleshme mektup hazirlighanliqini xewer qildi.

Xewerde déyilishiche, mezkur bileshme mektupning deslepki nusxisi béyjingdiki kanada elchixanisining xadimliri teripidin hazirlan'ghan. Mektupqa en'gliye, firansiye, awstraliye qatarliq 15 gherb dölitining béyjingda turushluq bash elchiliri imza qoyghan.

Mektupta chén chüen'gogha xitaben mundaq déyilgen: "Biz shinjang Uyghur aptonom rayonidiki az sanliq milletlerning, bolupmu Uyghurlarning weziyiti heqqide otturigha chiqiwatqan xewerlerdin qattiq endishe hés qilmaqtimiz. Shunga weziyetni toluq bilish üchün uyghun bolghan eng qisqa waqit ichide siz bilen yüzturane körüshüshni we sözlishishni telep qilimiz."

Xewerde eskertilishiche, bu mektupning chén chüen'gogha resmiy ewetilgen yaki téxiche ewetilmigenliki melum emesken. Xitay tashqi ishlar ministirliqining bayanatchisi xu'a chünying bügün bu mektupqa qattiq naraziliq bildürüp inkas qayturghan. Xu'a chünying sözide gherb diplomatlirining bundaq bir mektupni hazirlash arqiliq shinjang hökümitige bésim ishletmekchi we xitayning ichki ishlirigha arilashmaqchi boluwatqanliqidin shikayet qilghan.

Toluq bet