Хитай һөкүмити бейҗиң шәһирини булғаватқан санаәт вә завут-карханиларни хебей өлкисигә йөткәйдиғанлиқини билдүргән

Мухбиримиз қутлан
2015-08-24
Share

Ройтерз агентлиқиниң хәвиригә қариғанда, тйәнҗиндики зор партлаштин кейин хитай һөкүмити бейҗиң шәһириниң муһитини булғаватқан чоң-кичик санаәт вә завут-фабрикиларни хебей өлкисигә тарқақлаштуридиғанлиқини билдүргән.

Мәлумки, хитай пайтәхти бейҗиңни орап турған хебей өлкиси билән униң йеқин қошниси болған тйәнҗин шәһири хитайдики әң муһим санаәт базиси болуп, йеқинқи 30 йилдин буян мәмликәт бойичә булғиниши әң еғир районға айланған. Бу районда һазир хитайдики 100 милйондин артуқ аһалә күндә ис-түтәк сүмүрүп яшимақтикән.

Өткән йили хитай баш министири ли кечяң хитайдики булғиниши әң еғир болған вә ис-түтәк ичидә қалған 10 шәһәрниң 7 синиң хебей өлкисидә икәнликини билдүргән.

Игилинишичә, тйәнҗиндики зор партлаш хитай компартийәсини қаттиқ сарасимигә салған. Нөвәттә 23 милйон адәм яшаватқан бейҗиң шәһиридин хәтири зор болған химийә завутлири билән бир қисим һәрбий санаәт базилирини хебей өлкисигә тарқақлаштуруш пилани йәнә бир җәһәттин хитай пайтәхтиниң бихәтәрлики үчүн икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт