Xitay hökümiti béyjing shehirini bulghawatqan sana'et we zawut-karxanilarni xébéy ölkisige yötkeydighanliqini bildürgen

Muxbirimiz qutlan
2015-08-24
Share

Roytérz agéntliqining xewirige qarighanda, tyenjindiki zor partlashtin kéyin xitay hökümiti béyjing shehirining muhitini bulghawatqan chong-kichik sana'et we zawut-fabrikilarni xébéy ölkisige tarqaqlashturidighanliqini bildürgen.

Melumki, xitay paytexti béyjingni orap turghan xébéy ölkisi bilen uning yéqin qoshnisi bolghan tyenjin shehiri xitaydiki eng muhim sana'et bazisi bolup, yéqinqi 30 yildin buyan memliket boyiche bulghinishi eng éghir rayon'gha aylan'ghan. Bu rayonda hazir xitaydiki 100 milyondin artuq ahale künde is-tütek sümürüp yashimaqtiken.

Ötken yili xitay bash ministiri li kéchyang xitaydiki bulghinishi eng éghir bolghan we is-tütek ichide qalghan 10 sheherning 7 sining xébéy ölkiside ikenlikini bildürgen.

Igilinishiche, tyenjindiki zor partlash xitay kompartiyesini qattiq sarasimige salghan. Nöwette 23 milyon adem yashawatqan béyjing shehiridin xetiri zor bolghan ximiye zawutliri bilen bir qisim herbiy sana'et bazilirini xébéy ölkisige tarqaqlashturush pilani yene bir jehettin xitay paytextining bixeterliki üchün iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet