Amérika prézidénti jow baydén b d t nutqida Uyghur mesilisini tilgha aldi

Muxbirimiz jüme
2021-09-21
Share
Amérika prézidénti jow baydén b d t nutqida Uyghur mesilisini tilgha aldi Amérika prézidénti jo baydin b d t ning nyu-yorktiki bash shtabida échilghan omumiy yighinining 76-qétimliq yighinida söz qilmaqta. 2021-Yili 21-séntebir.
AP

21-Séntebir birleshken döletler teshkilatining nyu-yorktiki bash shtabida échilghan omumiy yighinida söz qilghan amérika prézidénti jow baydén Uyghur mesilisini tilgha aldi we "Az sanliq milletlerni nishanlash we ulargha zulum qilish" ni eyibleydighanliqini bildürdi.

Bu, prézidént jow baydénning wezipige olturup tunji qétim b d t omumiy yighinida söz qilishi idi.

U mundaq dédi: "Étnik we diniy az sanliq milletlerni nishanlash we ulargha zulum qilish meyli shinjang, meyli shimaliy éfiyopiye we meyli dunyaning her qandaq yéride yüz bérishidin qet'iy nezer, biz buninggha qarshi chaqiriq élan qilish we eyibleshni izchil dawamlashturimiz."

Prézidént baydén yene sün'iy idrakning bashqilarni basturush qorali qilinmasliqi lazimliqi, yershari kilimat mesilisi, insaniy qedir qimmet qatarliqlar heqqidimu toxtaldi.

U nutqida xitayni biwasite tilgha almighan bolsimu, Uyghur rayonida Uyghurlarni asas qilghan türkiy étnik topluqlargha qaritilghan basturush qilmishlirini b d t omumiy yighinidiki tunji nutqida alahide sanap ötishi muhim ehmiyetke ige, dep qaralmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet