Җов байденниң уйғурлар һәққидә сөз қилиши хитай һөкүмитини бәкму пәришан қилди

Мухбиримиз әзиз
2021-10-19
Share

Америка президенти җов байден 15-өктәбир күни қилған сөзидә уйғур дияридики инсанийәткә қарши җинайәтләрни йәһудийлар дуч кәлгән зор қирғинчилиқ билән баравәр йосунда тилға алғаниди. Хитай ташқи ишлар министирлиқиниң баянатчиси җав лиҗйән 18-өктәбирдики мухбирларни күтүвелиш йиғинида сөз қилип "америка һөкүмитиниң кишилик һоқуқ һимайичиси болуш салаһийити йоқ" дегән.

Хитай һөкүмитиниң канийи болған шинхуа агентлиқиниң 19-өктәбирдики хәвиридә ейтилишичә, җав лиҗйән мухбирларниң бу һәқтики соаллириға җаваб берип "шинҗаңдики һәр милләт хәлқи толиму бәхтияр яшаватиду. Уларниң барчә һәқлири толуқ қануний капаләткә игә" дегән. Шундақла америка һөкүмитини тәнқидләп "америка туприқида ирқий кәмситиш еғирлаватиду. Америка өткәнки таҗсиман вируси мәзгилидә вирусқа тақабил туралмай 700 миң кишиниң өлүмигә сәвәб болди. Америка һәрқачан йоқилаң ишларни баһанә қилип уруш қозғайду һәмдә бигунаһ хәлқни өлтүриду" дегәндәк бир қатар сөзләрни қилған.

Җав лиҗйән бу хилдики сөзләрни илгириму көп қетим ейтқан болуп, һәдисә америка һөкүмитиниң өтмүштә индиянларни қирғин қилғанлиқини буниңға мисал қилғаниди. Бу қетим у биваситә президент җов байденниң сөзигә қопаллиқ билән һуҗум қилди.

Америка кеңәш палатасиниң әзаси марко рубйо бу хилдики һуҗумларға инкас қайтуруп; "америка тарихида йүз бәргән хаталиқларни тәкитләш арқилиқ һазирқи күндики инсанийәткә қарши җинайәтләрни ақлашқа урунуш сепи өзидин һамақәтлик" дегәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт