Baydén bilen mérkél xitayning buzghunchiliqigha qarita démokratik qimmet qarashni qoghdaydighanliqini jakarlidi

Muxbirimiz erkin
2021-07-16
Share

Xitayning tesirige qarita endishe künsiri küchiyiwatqan bir waqitta amérika prézidénti jow baydén bilen gérmaniye bash ministiri an'géla mérkél xitayning buzghunchiliqigha qarita démokratik qimmet qarashlarni qoghdaydighanliqini jakarlighan. Prézidént baydén 15-iyul gérmaniye bash ministirini an'géla aqsarayda kütüwalghan.

Jow baydén an'géla mérkél bilen birge ötküzgen axbarat yighinida: "Biz xitay yaki bashqa döletning erkin we ochuq jem'iyetke buzghunchiliq qilish üchün uruniwatqanliqini körgende, démokratik prinsiplarni we uniwérsal heq-hoquqlarni qoghdaymiz," dégen.

Melum bolushiche, ikki dölet rehbiri bu qétim yene "Washin'gton xitapnamisi" élan qilip, özlirining "'ochuq dunya' ni tashqiy küchlerning mejburlishi we hökümranliqidin qoghdaydighanliqi", shundaqla "Hemme jayda kishilik hoquq depsendichilikige mas qedemde jawab qayturudighanliqi" ni bildürgen. Kyuto agéntliqining bildürüshiche, ikki terep kishilik hoquq depsendichilikige mas qedemde inkas qayturidighanliqini bildürgen bolsimu, lékin xitaygha qanchilik qattaq bolush mesiliside i‍kki terep arisida perq bar iken.

Mérkél axbarat yighinida gérmaniye bilen amérikaning "Kishilik hoquq qandaq yerde kapalatke ‍ige bolmisa, shu jayda awazini chiqiridighanliqi", shundaqla yene bu ‍ikki dölet "Dunyadiki barliq döletlerning zémin pütünlikini qoghdaydighanliqi" ni éyqan. Mérkél yene xitay bilen bolghan sodining "Hemmige ortaq bolghan teng barawer shertlerni asas qilishi kérekliki" ni bildürgen. An'géla mérkél prézidént baydén wezipige olturghan 1-aydin béri aqsarayni ziyaret qilghan tunji yawropa rehbiridur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet