Prézidént jo baydin xitay dölet re'isi shi jinpingni yene “Diktator” dep atidi

Washin'gtondin muxbirimiz irade teyyarlidi
2023.11.16

Amérika prézidénti jo baydin xitay dölet re'isi shi jinpingni yene bir qétim “Diktator” dep atighan.

Prézidént jow baydin 15-noyabir küni xitay dölet re'isi shi jinping bilen amérikaning san-firansisko shehiride uchriship, ikki terep otturisidiki muhim mesililer üstide söhbetleshken idi. Prézidént baydin uchrishishtin kéyin muxbirlarni kütüwélish yighini ötküzgende bir muxbir uningdin “Siz bügünki uchrishishtin kéyin shi jinpingni yene ‛diktator‚ dep atamsiz?” dep sorighan. U bu so'algha mundaq jawab bergen:

““Qarang, u bir mustebit, yeni u biz bilen pütünley oxshimaydighan hökümet sheklini asas qilghan bir kommunistik döletning bashliqi.”

Pirézidént baydin bu yil 6-ayda kaliforniyediki bir pa'aliyette shi jinpingni ashkara halda “Diktator” dep atighan, shundaqla xitayning iqtisadiy jehette müshkülatta qalghanliqini tekitligen idi. Eyni chaghda uning bu sözi xitay terepning qattiq naraziliqigha duch kelgen. Pirézidént jow baydinning bu qétim shi jinping bilen yüz körüshkendin kéyinmu oxshash sözni tekrarlishi axbaratlarning qiziq nuqtisi bolup qaldi.

Xitay tashqi ishlar ministirliqi bolsa 16-noyabirdiki axbarat élan qilish yighinida baydinning sözige inkas qayturup, buni “Intayin xata we mes'uliyetsiz siyasiy eyiblesh” dep naraziliq bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.