Amérikaning émbargosigha uchrighan bingtu'enning 2020-yilliq kirimi 3.1 Pirsent ashqan

Xitay hökümiti, Uyghurlarni basturushtiki roli seweblik 2020-yili 7-ayda amérikaning émbargosigha uchrighan bingtu'en, öz ahalilirining 2020-yilliq kishi béshigha toghra kélidighan kirimining 3. 1 Pirsent ashqanliqini ilgiri sürdi. "Bingtu'en" gézitining xewer qilishiche, bingtu'en ahalisining 2020-yilliq kishi béshigha toghra kélidighan kirimi 34 ming 435 yüen'ge yetken. Xewerde uning aldinqi yilgha qarighanda 3.1 Pirsent ashqanliqi bildürülgen. Biraq kirimning éshishida ishlepchiqirish emes, hökümetning qoshumche yardem puli asasliq rol oynighan.

Xitay hökümiti 2009-yili yüz bergen ürümchi "5-Iyul weqesi" din kéyin, bolupmu 2017-yili bashlan'ghan chong tutqundin bashlap bingtu'enni téximu kücheytip, uning jenubqa qarap kéngiyishini tézletken. Xitay hökümiti téxi yéqindila bingtu'enning Uyghur élide yene bir sheher qurushini testiqlighan. Amérika hökümiti ötken yili 7-ayda bingtu'en'ge qoyghan émbargo qararida uning sabiq siyasiy komissari sün jinlong we qomandani péng jaruynimu jazalighan. Arqidin bingtu'enning paxta we pemidur mehsulatlirinimu chekligenidi.

"Bingtu'en" gézitining xewer qilishiche, bingtu'en ahalisining "Kirimining ösüshi" ge asasliqi ijtima'iy kapalet we xelq turmushi, pénsiye, dawalash qoshumche yardem pulining köpeytilishi, shuningdek paxta bahasigha qoshumche yardem pulining waqtida bérilishi seweb bolghaniken. Lékin xewerde, bingtu'en ahalisining omumi kirimi ashqan bolsimu, bingtu'en sheher-bazar ahalilirining kirimi burunqidin azayghanliqi bildürülgen. Közetküchilerning éytishiche, xitay da'irilirining kirimni qoshumche yardem puli bérip östürüshtek bu xil usuli uzun'gha berdashliq bérelmeydiken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar