Биңтүән орунлири хитай көчмәнлирини ишқа орунлаштуруш башламчисиға айланған

Вашингтондин мухбиримиз җәвлан тәйярлиди
2024.04.03

Һәрбий түзүм билән мәмурийәт бирләшкән биңтүән орунлири узун йиллардин бери хитай көчмәнлириниң сеғинидиған макани болуп кәлгән болса, бүгүнки күндә уларни йеңи хизмәт орунлири билән тәминләйдиған башламчи орунға айланған.

“шинҗаң хәвәрлири” ториниң 3-апрел чиқарған хәвиригә қариғанда, бу йилниң биринчи пәслидә, уйғур райониниң һәр қайси җайлиридики биңтүән орунлири 358 мәйдан хизмәтчи елиш паалийити өткүзгән болуп, буни “баһар шамили” һәрикити дәп атиған. Бу паалийәттә биңтүән ишсизларға вә иш күтүп туруватқанларға 65 миңға йеқин иш орни тәминлигән. Улар йәнә адәм елиш даирисини ичкири хитайғиму қаратқан болуп, буниң үчүн мәхсус тор бети қуруп, “интернет билән адәм елиш бир гәвдиләшкән мулазимәт суписи” бәрпа қилған.

Уйғур райониға җәлип қилиниватқан хитай көчмәнлири һәққидә филим ишлигән фирансуз журналистлардин манон бачлет ханим бу филим арқилиқ биңтүәнниң тарихи вә ичкири хитайдин келидиған көчмән нопусни ишқа орунлаштуруш вә маканлаштурушта ойниған һәл қилғучи ролини әкс әттүргән. У радийомизға қилған сөзидә, буларниң асасән хитай компартийәси баш секретари ши җинпиңниң “уйғурларни ичкири хитайға бериш ишләшкә, хитайларни болса шинҗаңға беришқа риғбәтләндүрүш” чақириқи билән болуватқанлиқини билдүргәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.