“биңтуән билән йәрликни бирләштүрүш” җиддий иҗра болмақта

Мухбиримиз әзиз
2022-04-12
Share

Хитай һөкүмити башқурушидики шинхуа агентлиқиниң 11-апрелдики хәвиридә ейтилишичә, хитай һөкүмити зор күч билән иҗра қиливатқан “биңтуән билән йәрликни бирләштүрүш” чақириқи нөвәттә 11-девизийәдә әң үлгилик дәриҗидә әмәлийләшмәктикән.

Хитай һөкүмитиниң хәвиридә бу хил “бирләштүрүш” ниң көрүнүшкә уйғурлар билән хитайларни нахша-уссул, маарип вә мәдәнийәт саһәсидә “қолму-қол тутушқан” һалда иҗтимаий муқимлиқни әмәлгә ашуруш вә истратегийәлик байлиқларни алмаштурушни тезлитиш саһәсидә һәмкарлашқанлиқи шәклидә гәвдиләндүргән. Әмма хәвәрдә алаһидә шәрһләнгән “давалаш капалитини һәмкарлишип раваҗландуруш”, “пән-техника алмаштурушта һәмкарлишиш”, “мәдәнийәт арқилиқ суғиришта һәмкарлишиш” дегәнләр маһийәттә уйғурлар билән хитайлар арисидики әң негизлик арилиқни бузуп ташлап, уйғурларни хитайчә мәдәнийәт чәмбирики ичигә елишқа хизмәт қилидикән.

Мәлум болушичә, 11-девизийә үрүмчи шәһиригә җайлашқан болуп, 70 миңға йеқин нопусниң мутләқ көп қисми хитайлар икән. Мәзкур девизийә үрүмчидики көплигән иқтисадий саһәни монопол қиливалған болуп, хитай һөкүмитиниң мушундақ бир нуқтини “биңтуән билән йәрликни бирләштүрүш” тики үлгилик орун сүпитидә тәшвиқ қилиши нөвәттики “бирләштүрүш” чарилириниң тез арида уйғур дияридики башқа биңтуәнләргә кеңийидиғанлиқидин бешарәт, дәп қаралмақтикән. Буниңдин илгири болса бирқисим мутәхәссисләр хитай һөкүмитиниң биңтуән системисини күчәйтиши маһийәттә уйғур дияридики аптономийә системисини искәнҗигә елип уни ахирқи һесабта аҗизлитиш вә йоқ қилишниң тәйярлиқ хизмити икәнликини алға сүргәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт