Sh u a r partkomning 10-nöwetlik 3-omumiy yighinida “Bingtu'en bilen yerlikni bir shahmat taxtisigha aylandurush” otturigha qoyulghan

Muxbirimiz eziz
2022.05.17
Share on WhatsApp
Share on WhatsApp

Xitay hökümiti bashqurishidiki “Shinjang géziti” ning 17-maydiki sanida éytilishiche, Uyghur aptonom rayonluq hökümet 15-may küni 12-nöwetlik omumiy yighinini chaqirghan. Uyghur aptonom rayonining re'isi erkin tuniyaz riyasetchilik qilghan bu yighinda “Re'is shi jinpingning qanunchiliq idiyesini chongqur öginish, shundaqla aptonom rayonluq partkomning 10-nöwetlik 3-omumiy yighinining rohini toluq izchillashturup omumiyyüzlük qanunchiliq qurulushini kücheytish lazim,” dégen bash yétekchi idiye otturigha qoyulghan.

Xewerde bu qétimqi qanunchiliq qurulushini kücheytish heqqidiki belgilimilerning Uyghur aptonom rayonluq partkomning 10-nöwetlik 3-omumiy yighinida alahide otturigha qoyulghan orunlashturush ikenliki, shundaqla buning “Partiyening yéngi dewrdiki shinjangni idare qilish istratégiyesining muhim kapaliti” ikenliki éytilghan. Shuning bilen birge bu qétimliq yighinda “Bingtu'en bilen yerlikni birleshturüshtek yéngi weziyet” ni yaritish üchün “Bingtu'en bilen yerlik bir taxta shahmat taxtisidek ish körüsh” alahide tekitlen'gen.

Xitay hökümitining lagér sistémisi, zamaniwi qullar emgiki hemde qanunsiz bolghan zor kölemlik tutqunni bixaraman ijra qilip turup, yene mushu xildiki “Qanunchiliq qurulushi” heqqide dawrang sélishi izchil herqaysi sahening keskin mesxirisige we tenqidige duch kelgen idi. Awstraliyediki xitay öktichi ziyaliliridin wiki shü bu heqte radiyomiz ziyaritini qobul qilghanda: “Xitay hökümitining Uyghur rayonida qanun bilen idare qilishni emelge ashurimiz, dégini zamanimizdiki eng chong qara yumurlarning biri” dégen idi. Bu qétimqi xewerde alahide tilgha élin'ghan “Aptonom rayonluq hökümetning aptonom rayonluq partkomning orunlashturushini ijra qilip qanunchiliq qurulushini kücheytimiz” dégenlikinimu beziler “Xitay özi tüzüp chiqqan aptonomiye qanunini ashkara depsende qilishtin bashqa nerse emes” dep qarimaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet