Bingtu'en we shixenze uniwérsitétining birlikte mexsus "Jenubiy shinjang tetqiqat instituti" qurushi diqqet qozghidi

Muxbirimiz irade
2021-07-15
Share

Xitayning bingtu'en xewerler torining xewiridin qarighanda, bingtu'en we shixenze uniwérsitéti birliship tumshuq shehiride mexsus "Jenubiy shinjang tetqiqat instituti" qurup chiqidiken.

Melum bolushiche, bingtu'en üchinchi déwiziye tumshuq shehirining mu'awin bashliqi yén jawjün we shixenze uniwérsitétining mu'awin mudiri li jawmin "Jenubiy shinjang tetqiqat institutini" ni ortaq qurush toghrisidiki kélishimni imzalighan.

Xitay da'irilirining néme üchün Uyghur élining jenubiy asas qilin'ghan bir tetqiqat orni qurmaqchi bolghanliqi chet'ellerdiki közetküchilerning küchlük diqqitini qozghidi. Ular buni xitay hökümitining hazirqidek bir weziyette bingtu'en arqiliq Uyghur élining jenubini qandaq qilghanda téximu köp qamal qilish, u yerge téximu köp adem yötkesh üstide bash qaturidighan orni bolushi mumkin, dep qarimaqta.

Xitayning bingtu'en xewer tori bolsa bu orunning qurulushigha mundaq baha bergen:

"Tumshuq shehiride shixenze uniwérsitétining'jenubiy shinjang tetqiqat instituti'ning tesis qilinishi mektepning merkezning üchinchi qétimliq shinjang xizmet yighinining rohini yolgha qoyush we partiyening yéngi shinjangni bashqurush istratégiyesini toluq we toghra yolgha qoyushtiki konkrét tedbiri. Bu, mektep pen-téxnika ixtisasliqliri we téxnikiliq ewzelliklerni toluq jari qilduridu, ilmiy tetqiqat, ijtima'iy mulazimet we iqtisadning éshish halitini ilgiri süridu, sana'et qurulmisini tengshep elalashturidu, jenubiy shinjang tetqiqat institutigha tayinip, munewwer aspirantlarni tallap, jenubiy shinjangdiki asasliq tetqiqat türlirini échishqa qatnashturidu hemde téximu köp oqughuchilarning jenubiy shinjanggha mulazimet qilishigha imkan yaritidu".

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet