Xitay pütkül memliket miqyasida bingtu'enni öz ichige alghan 12 rayonda ghayet zor dawalash merkizi qurmaqchiken

Muxbirimiz irade
2021-08-26
Share

"Xitay xewerler tori" ning xewirige qarighanda, xitay hökümiti nöwette 12 zor tiptiki dawalash merkizi qurush türini testiqlap, uni pütkül xitay miqyasini qaplaydighan "Dawalash merkizi" ge aylandurmaqchi iken. Igilinishiche, bu dawalash merkezler kéler yilidin bashlap sinaq teriqiside ishqa kirishtürülmekchiken.

Diqqet qozghaydighini shuki, xitayning jilin, xéylongjyang, jyangshi, xeynen, chungching, güyju, gensu, chingxey qatarliq ölke-biwasite qarashliq sheherliri bilen tibet aptonom rayoni, gu'angshi ju'angzu aptonom rayoni we ningshya tunggan aptonom rayonini öz ichige alghan 12 chong rayonluq dawalash merkizi qurulushi türige Uyghur aptonom rayoni emes, belki "Shinjang ishlepchiqirish we qurulush bingyu'eni" kirgüzülgen.

Chet ellerdiki közetküchiler buni xitayning Uyghur aptonom rayonining emeliy tesirini cheklesh we hoquq merkizidin chetleshtürüsh, bingtu'enni tedrijiy halda Uyghur rayonidiki yétekchi küchke we hel qilghuch siyasiy gewdige aylandurushning bir signali dep qarimaqta.

Közetküchiler yene xitayning memliket boyiche 12 rayonda bundaq zor tiptiki dawalash merkezlirini qurush türining arqisida kelgüside téximu zor we xewplik bolghan wirus yaki yuqumluq késelliklerge taqabil turushqa teyyarliq qilishtek pilanining mewjutluqini texmin qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet