Bingtu'en ma'aripi 10 yil mabeynide xitayning Uyghur rayonida “Toghraqtek yiltiz tartish” siyasitige aktip maslashqan

Muxbirimiz jewlan
2022.10.13
Share on WhatsApp
Share on WhatsApp

Xitayning “Bingtu'en géziti” de teshwiq qilinishiche, xitay kompartiyesining 18-qurultiyidin buyan bingtu'ende “Tarixiy xaraktérlik özgirishler” yüz bergen.

Bingtu'en'ge tewe bashlan'ghuchtin aliy mektepkiche bolghan her xil mekteplerdin 635 mektep qurulghan, oqughuchilar 570 mingdin, oqutquchi we ishchi-xizmetchiler 50 mingdin éship ketken, toluq ottura mektepke kirip oqush nisbiti 98.6 Pirsentke yetken.

Bingtu'en ma'aripining yétekchi idiyesi “Toghraq rohi boyiche adem terbiyelep, shinjangni qoghdash we güllendürüsh üchün xizmet qilish” bolup, bu rayon'gha “Toghraqtek yiltiz tartidighan” xitay ewladlirini yétishtürüp chiqishni asasiy nishan qilghan.

2021-Yil bingtu'en aliy mekteplirini püttürüp chiqqan xitay yashlirining mezkur rayonda qélish nisbiti 72.51 Pirsent bolghan. Uningdin bashqa, bingtu'en orunliri “13-Besh yilliq pilan” mezgilide ichkiri xitaydin 7047 oqutquchini teklip qilghan bolup, ularning bingtu'ende qélish nisbiti 67.92 Pirsent bolghan.

Bingtu'en mektepliri emeliyette xitayning mustemlike siyasiti üchün xizmet qilidighan orunlar bolup, Uyghurshunas derrén baylér “Shinjang némishqa xitay köchmenliri eng jaylashqan mustemlike bolup qaldi?” namliq maqaliside, bingtu'enning xitay köchmenlirini yerleshtürüsh we ularni élip qélish jehette halqiliq rol oynap kéliwatqanliqini otturigha qoyghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.