Белгийә парламент әзаси, мәбләғ фондлирини биңтуәнгә четишлиқ ширкәтләр билән болған алақисини үзүшкә чақирди

Мухбиримиз әркин
2022.12.12
Share on WhatsApp
Share on WhatsApp

Белгийә парламент әзаси самуел коголати хитайниң “шинҗаң ишләпчиқириш-қурулуш биңтуәни” гә четишлиқ ширкәтләргә мәбләғ салған белгийә мәбләғ фундлирини “икки йүзлимичилик” билән әйибләп, бу ширкәтләр билән болған алақисини үзүшкә чақирған. “политика” гезитиниң хәвәр қилишичә, самуел коголати, бәш белгийә мәбләғ фундиниң уйғурларни бастурушқа һәмкарлашқан “шинҗаң ишләпчиқириш қурулуш биңтуәни” гә четишлиқ хитай ширкәтлириниң пай чекини сетивалғанлиқиға даир һөҗҗәтләрни көрситип, хитайниң мәзкур йерим қораллиқ ишләпчиқириш аппаратиға америка вә явропа иттипақи тәрипидин ембарго қоюлғанлиқини билдүргән.

“политика” гезитиниң хәвиридә, һаллам шифелд университети тәтқиқатчилириниң биңтуәнни хитайниң “йәр игилләшкә мәсул мустәмликичилик аппарати” дәп көрсәткәнлики тәкитләнгән. Мәлум болушичә, белгийә парламентиниң йешиллар партийәсидин болған вә парламентниң уйғурларни “ирқий қирғинчилиқ хәвпидики хәлқ” дәп етирап қилишида ачқучлуқ рол ойниған коголати, 4 банка, бир суғурта ширкитигә мәнсуп болған мәбләғ фундлириниң бир қанчә айлиқ малийә доклатини тәкшүргәндин кейин, уларни хитай ширкәтлиридин қол үзүшкә чақирған. Хәвәрдә, бу мәбләғ фундлириниң лондонни база қилған “широдерс” намлиқ мәбләғ селиш ширкити тәрипидин башқурулидиғанлиқи билдүрүлгән.

“политика” гезитиниң хәвиридә ейтилишичә, самуел коголати мундақ дегән: “белгийә банкилири әмди наданлиқни баһанә қилмаслиқи керәк. Улар мәбләғ салған хитай ширкәтлири американиң қара тизимликидики яки явропа иттипақи ембарго йүргүзгән шинҗаң ишләпчиқириш-қурулуш биңтүәнигә очуқ-ашкара четишлиқ ширкәтләр вә яки мәҗбурий әмгәктә җавабкарлиқи бар, дәп әйибләнгән ширкәтләрдур” дегән. Мәлум болушичә, белгийә мәбләғ фонди мәбләғ салған орунларниң бири “хитай йеза игилик банкиси” болуп, бу банкиниң биңтүәндә нурғун тармақ шөбиси бар икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.