Америка ташқий ишлар министири блинкен уйғур лагер шаһитлири вә паалийәтчилири билән көрүшкән

Мухбиримиз әркин
2021-07-06
Share

Америка ташқий ишлар министири антоний блинкен 6-июл күни чүштин кейин америкадики уйғур лагер шаһитлири, аилә әзалири тутқундики уйғур паалийәтчилири билән екран арқилиқ көрүшкән.

Мәлум болушичә, бу көрүшүш бурун орунлаштурулған болсиму, бирақ блинкенниң күнтәртипиниң җиддийлики сәвәблик 6-июлға кечиктүрүлгән иди. Америка ташқий ишлар министирлиқи блинкенниң кимләр билән көрүшкәнлики вә қандақ мәсилиләрни сөзләшкәнлики тоғрисида техичә учур елан қилип бақмиди.

Америка ташқий ишлар министирлиқиниң баянатчиси нед прайс бүгүнки ахбарат йиғинида мухбирларниң бу һәққидики суалиға җавап берип, блинкенниң лагер шаһитлири, аилә әзалири тутқундики паалийәтчиләрдин болуп 7 дәк киши билән көрүшидиғанлиқини билдүргән. У бу тоғрисида кейинрәк мәлумат беридиғанлиқини ейтқан.

Нед прайс бу көрүшүшниң блинкенниң хитай сияситидики кишилик һоқуқ позийсийәсини қайта муәййәнләштүридиғанлиқини, шинҗаңда хитай һөкүмитиниң бастурушиға учриған шәхсләр билән алақә қурушиға пурсәт яритип беридиғанлиқини билдүргән.

У йәнә бу йиғинда паалийәтчиләрниң шинҗаңдики вәһшийликләргә қандақ тақабил туруш тоғрисида ташқий ишлар министирлиқини тәклип-пикирләр билән тәминлиши мумкинликини ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт