Bö shiley, jow yongkang qatarliqlarning "Hoquq tartiwélishqa urunush suyiqesti" de bolghanliqi eyiblendi

Muxbirimiz ümidwar
2017-10-22
Share

Xitay kompartiye rehberliki da'iriliri tunji qétim resmiy türde bö shiley we jow yongkang qatarliqlarni "Suyiqest qollinip, partiyining hoquqini tartiwalmaqchi bolghan" dégen söz bilen eyiblidi. Bu sözni 19-öktebir küni xitay döletlik aksiye nazaret we bashqurush komitétining re'isi lyu shiyü éytqan.

19-Qurultayning pul-mu'amile sahesidiki wekiller ömikining guruppa muzakire yighinida söz qilghan lyu shiyü kompartiyening 18-qurultiyidin buyan sabiq merkizi komitét ezaliri bö shiley we jow yongkang hemde ling ji'ixu'a, shu seyxo, gu boshung we sung jéngsey qatarliq aliy hoquq tutqanlarning "Partiyining hoquqini tartiwélish suyiqesti" de bolghanliqini sherhiligen. Wehalenki, 19-qurultayghiche bolghan ariliqta bö shiley, jow yongkang, shu seyxo, go boshong we bashqa shexsler pütünley parixorluq we chiriklik bilen eyiblen'gen bolup, ularning shi jinping bashchiliqidiki kompartiyening aliy hoquqini tartiwélish herikitide bolghanliqi yoshurup kélin'gen we tilghan élinmighan. 

Radi'oyimizning xewer analizida qeyt qilinishiche, bu, xitay tarixida 1976-yili, atalmish "Töt kishilik guruh" tarmar qilin'ghandin buyan tunji qétim kompartiye rehberliki qatlimidiki jazalan'ghanlarni "Partiye hoquqini tartiwélish suyiqesti" dégen jinayet bilen eyiblesh bolup hésablinidiken. 

Ilgiri közetküchiler we chet'ellerdiki xitay démokratliri bö shiley, jow yongkang qatarliqlarning noqul chiriklik mesilisi bilen jazalanmighanliqi, belki bu déloning shi jinping we uning terepdarlirining bir qétimliq öz siyasiy reqiblirini tarmar qilishi ikenliki, shuningdek xitay aliy rehberlik qatlimida hoquq kürishining ötkür ikenlikini éytishqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet