Sehiye teshkilati: bulghinish yiligha 3 milyon ademning bi'ejel ölüp kétishige sewebchi

Muxbirimiz jüme
2016-05-14
Share


Dunya sehiye teshkilati peyshenbe küni élan qilghan doklatida, ötken besh yilda chong sheherlerdiki hawa bulghinish derijisining 8 pirsent éghirlashqanliqi, hawadiki zeherlik zerrichilerning her yili 3 milyon ademning bi'ejel ölüp kétishige sewebchi ikenlikni bildürdi.

Ularning körsitishiche, bulghinish namrat yaki otturahal kirimidiki döletlerde derijidin tashqiri éghir iken.

Sehiye teshkilatining bu doklati dunyadiki 103 döletke jaylashqan 3 ming sheherning hawa süpiti heqqidiki sanliq melumatlargha asasen teyyarlan'ghan. Bu heqtiki sélishturma xewerlerge qarighanda, dunyadiki eng bulghan'ghan 50 sheherning 8 xitaygha jaylashqan iken.

Doklatta körsitishiche, yawropadiki eng bulghan'ghan sheher bosniyening tuzla shehiri bolup, emma uning hawasidiki bulghima zeherlik zerrichilerning sani xitay, hindistan we pakistandiki bulghan'ghan sheherlerge sélishturghanda yenila az iken.

Dunya sehiye teshkilatining ölchimi boyiche hawadiki zeherlik ushshaq zerrichiler MP 2.5 Qimmiti boyiche hésablinidu. Uningda her kubmétir hawada diki MP 2.5 Bulghima zerrichiler 10 mikrogramdin éship ketmesliki, yaki uningdin towen bolushi kérek, dep belgilen'gen.

"Yéshil tinchliq teshkilati" 20 - apirildiki doklatida xitaydiki hawa bulghinishning gherbiy sheherlerge qarap köchüwatqanliqini, qeshqer we xotenning xitaydiki eng bulghan'ghan sheherler tizimlikining töridin orun alghanliqini körsetken.

Ular élan qilghan sanliq melumatta qeshqerning her kubmétir hawasidiki MP 2.5 Bulghima zerrichiler 276.1 Mikrogram bolup, buning aldinqi yilning oxshash mezgildikidin 99 pirsent ashqanliqini bildürgen idi.

Halbuki, dunya sehiye teshkilatlirining yéngi doklatida qeshqer we xoten'ge a'it melumatlar közge chéliqmaydu.

Mezkur doklatning élan qilinishi munasiwiti bilen söz qilghan dunya sehiye teshkilati ékologiyelik muhit we ammiwi saghlamliq programmisining diréktori doxtur mariya néyra: "Sheherlerdiki hawa bulghinish kishini chöchütidighan sürette éghirlashmaqta. Bu insaniyet saghlamliqigha izchil éghir buzghunchiliqlarni élip kelmekte" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet