Уйғур кишилик һоқуқ қурулуши CGTN ниң ирқий қирғинчилиқни ақлашта ойниған ролини паш қилди

Мухбиримиз әркин
2021-12-21
Share

Америкадики уйғур кишилик һоқуқ қурулуши 21-декабир доклат елан қилип, CGTN, йәни “хитай йәр шари телевизийә тори” ниң хитайниң уйғурларға йүргүзиватқан ирқий қирғинчилиқини ақлашта ачқучлиқ рол ониғанлиқини һөҗҗәтләштүргән.

“йеңи уйғурлар билән тонушуш: CGTN ниң ахбараттики ақлашта ойниған роли” намлиқ доклатта ейтилишичә, 2017-йили уйғур районида чоң тутқун башланғандин буян, хитайниң партийә вә һөкүмити уйғур районида “қайта тәрбийәләнгән” вә “идеологийәси түзүтилгән” аталмиш “йеңи уйғурлар” ни шәкилләндүргән.

CGTN Болса дуня җамаәтчиликигә уйғурлар вә шәрқий түркистанниң “қайта тәрбийә” арқилиқ сиясий саплиққа еришкәнликини, һазир бу районниң мәдәнийәт саяһити вә иқтисадий қурулушқа очуқ икәнликини тәшвиқ қилишта ядролуқ рол ойнап кәлгән. Доклатта ейтилишичә, улар CGTN ниң 2017-йилдин 2020-йилғичә болған арлиқтики программа текистлирини анализ қилип, униң бу җәһәттә қандақ рол ойниғанлиқини пакитлиқ һалда шарһилигән.

Уйғур кишилик һоқуқ қурулуши шу мунасивәт билән елан қилған баянатида, CGTN, шинхуа агентлиқи, “җоңго гезити” қатарлиқ хитай ахбаратлириниң реаллиқни бурмилиши, уларни кәң көләмлик тәшвиқат һәркитиниң гумаштилириға айландурғанлиқини, CGTN һәрқандақ бир хәлқара таратқуниң шерики болуштин чәклиниши керәкликини билдүргән.

Баянтта тәкитлишичә, “CGTN ниң тәшвиқат һәркитидики роли ениқ” болуп, у “уйғурларниң һаятиға аит сахта сүрәт вә рәсимләрни тарқитишта күчәп ишлимәктә” икән. Баянатта шундақтиму нурғун чәт әл таратқулириниң йәнила CGTN билән келишим түзүп, униң мәзмунлирини ишлитишигә ишәнгүси кәлмәйдиғанлиқи тәкитләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт