Uyghur kishilik hoquq qurulushi CGTN ning irqiy qirghinchiliqni aqlashta oynighan rolini pash qildi

Muxbirimiz erkin
2021-12-21
Share

Amérikadiki Uyghur kishilik hoquq qurulushi 21-dékabir doklat élan qilip, CGTN, yeni “Xitay yer shari téléwiziye tori” ning xitayning Uyghurlargha yürgüziwatqan irqiy qirghinchiliqini aqlashta achquchliq rol onighanliqini höjjetleshtürgen.

“Yéngi Uyghurlar bilen tonushush: CGTN ning axbarattiki aqlashta oynighan roli” namliq doklatta éytilishiche, 2017-yili Uyghur rayonida chong tutqun bashlan'ghandin buyan, xitayning partiye we hökümiti Uyghur rayonida “Qayta terbiyelen'gen” we “Idé'ologiyesi tüzütilgen” atalmish “Yéngi Uyghurlar” ni shekillendürgen.

CGTN Bolsa dunya jama'etchilikige Uyghurlar we sherqiy türkistanning “Qayta terbiye” arqiliq siyasiy sapliqqa érishkenlikini, hazir bu rayonning medeniyet sayahiti we iqtisadiy qurulushqa ochuq ikenlikini teshwiq qilishta yadroluq rol oynap kelgen. Doklatta éytilishiche, ular CGTN ning 2017-yildin 2020-yilghiche bolghan arliqtiki programma tékistlirini analiz qilip, uning bu jehette qandaq rol oynighanliqini pakitliq halda sharhiligen.

Uyghur kishilik hoquq qurulushi shu munasiwet bilen élan qilghan bayanatida, CGTN, shinxu'a agéntliqi, “Jonggo géziti” qatarliq xitay axbaratlirining ré'alliqni burmilishi, ularni keng kölemlik teshwiqat herkitining gumashtilirigha aylandurghanliqini, CGTN herqandaq bir xelq'ara taratquning shériki bolushtin cheklinishi kéreklikini bildürgen.

Bayantta tekitlishiche, “CGTN Ning teshwiqat herkitidiki roli éniq” bolup, u “Uyghurlarning hayatigha a'it saxta süret we resimlerni tarqitishta küchep ishlimekte” iken. Bayanatta shundaqtimu nurghun chet el taratqulirining yenila CGTN bilen kélishim tüzüp, uning mezmunlirini ishlitishige ishen'güsi kelmeydighanliqi tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet